Cebuano News: Syudad sa Surigao nakasulod sa "25 most competitive cities"
Butuan City (21 July) -- Sa ikatulo kahigayon nakahimo na usab ang syudad sa Surigao sa pagsulod sa 25 ka mga syudad sa nasud nga gihatagan og pasidungog didto sa kauluhan.
Sa 90 ka syudad nga gi-survey migawas ang 25 ka mga syudad nga gipasidungan sa Asian Institute of Management (AIM).
Matod pa nga ang 90 ka syudad ang gibahin katulo diin mikatigoriya sa gagmay, dyutay ug dako kun (small, midsized ug metropolitan).
Sa 45 ka syudad sa Luzon, 21 sa Visayas ug 21 usab sa Mindanao ang gisukod sa AIM pinaagi sa unom ka criteria.
"Least of doing business, dynamism of local government units (LGUs) to business, needs and quality of life were the criteria," matod ni AIM Executive Director Federico Macarenes.
Ang syudad sa Surigao nakahimo pagsulod sa nakatulo ka miyago gikan sa tuig 2001, 2003 ug 2007.
Nakab-ot kini pinaagi sa kakugi ug kaabtik sa halandong mayor sa syudad sa Surigao nga si Mayor Alfonso Casurra.
Ang 2006 Most Outstanding Mayor of the Philippines mapasalamaton ug magarbuhong midawat sa pasidungog didto sa Manila niadtong Hulyo 4, 2008.
Sa Metropolitan Category nakasulod ang Davao, Lapu-Lapu, Makati, Manila, Marikina ug Quezon. Sa midsized Category nalista ang Cabanatuan, General Santos, Lucena, Olongapo, San Pablo, Tagum ug Tarlac. Samtang ang Bayawan, Calapan, Calbayog, Dagupan, Dipolog, Laoag, San Fernando, Malaybalay, Naga, Tagbilaran, Tuguegarao ug Surigao pulos nalakip sa gipasidunggan. (Super Banat Balita/PIA-Caraga) [top]
