MANILA, April 18 – An Commission on Elections nagpapahinumdum sa publiko nga yaun nala 12 diyas an nahibibilin antes matapos an gintalaan nga panrehistro san mga botante sa Abril 19, 2017, sa pagbalik sini panrehistro yana nga adlaw matapos an duha ka adlaw nga break sa pag obserbar san Semana Santa.

Gin aaghat ni Spokesperson James Jimenez adton kualipikado nga kumadto san mga opisina sa COMELEC sa tagsa nira nga lugar o magtagamtam san satellite registration nga ginhihimo sa mga burubarangay.

An paningkamot san bag-o nga magrerehistro diri makakawang bisan gin isol an Oktobre 23, 2017 nga piniliay tungod kay kon an sayo nakarehistro na makakabotos na siya san mga masunod nga regular ngan special nga piniliay kon diin sira kualipikado, dugang ni Jimenez.

An Commission on Elections nakakarawat sin total nga 2,174,601 nga aplikante pagrehistro tikang sa Nobyembre 07, 2016 abot Marso 25, 2017 sa padayon nga pan rehistro sa bug-os nga nasud. (COMELEC-Translated by Ailene Diaz/PIA-Northern Samar)