MAASIN CITY, Southern Leyte April 20 (PIA) - Ang Department of Trade and Industry (DTI) Southern Leyte Provincial Office magpahigayon sa Kapatid Mentor ME nga programa launching karong Abril 21 (Biernes) diha sa Lourdes Convention Center, Maasin City, usa ka inisyatibo sa maong buhatan alang sa kalambu-an sa mga grupo sa mga katawhan nga mga ginagmay nga mganegosyante og bisan kaniadtong gusto mag-negosyo.

Sumala kang Trade and Industry Specialist Aurora Sabalo sa DTI, ang maong Kapatid Mentor Me nga programa -nagtumong sa pag-tudlo (coaching) og mentoring nga pamaagi sa pagkat-on kalabot sa mga pasikut-sikut diha sa pagdumala og negosyo. Diin ang mga dagko nga mga korporasyon mao mag-uban sa mga mo-apil sa maong programa.

Adunay mga napulo ka mga modules ubos sa maong mentoring and coaching nga programa – nga ipahigayon sulod sa tulo ka bulan, dugang pahayag ni Sabalo.

Hinoon, atol sa maong launching, ipahigayon dayon ang duha sa modules. Module 1 kalabot sa Entreprenuerial Mind-setting og values formation og ang Module 2 pagahisgotan kalabot sa Marketing.

Dugang pahayag ni Sabalo nga ang Project KAPATID inisyatibo sa DTI and Philippine Center for Entrepreneurship nagtumong sa pagtabang sa micro og small enterprises pinaagi sa tulo ka key components, usa niini ang Mentor ME nga programa.(ajc/egorne/PIA8-SoLeyte)