Waray news: Kanan Turismo kampanya nga ‘It’s more fun in the Philippines’ nakakuha hin mapaso nga pagkarawat ha London

Tuesday 5th of June 2012

LONDON, Hunyo 5 (PIA) -- Ig-iindorso ni Pangulo Benigno S. Aquino III an Pilipinas bali usa nga panguna nga distinasyon hin turista pinaagi han kanan Department of Tourism’s (DOT) “It’s more fun in the Philippines” nga kampanya dida ha iya opisyal nga pagbisita ha United Kingdom of Great Britain ngan Northern Ireland.

Hi Pangulo Aquino, nga nakatalaan pag-abot dinhi ha UK ha alas’9 han gab-i, Lunes (London time), in magkakaada hin pakiglitrato han nakabasi ha London nga DOT/DFA nga mga opisyal nga nagkakapot han It’s More Fun in the Philippines nga programa bali kaparti han iya okupado nga iteniraryo dinhi. An iya pagbisita ha London an iya pinaka-una ngadto ha UK ngan Europa tikang hiya lumingkod han 2010.

An Pangulo in pag-uupdan han walo nga mga opisyal han Kabinete ngan pipira nga mga Pilipino nga negosyante nga manginginano han pakigbalyuay hin pagpundar, negosyo ngan mga opurtunidad panturismo ha butnga han Pilipinas ngan UK.

Sering han DOT, an kanan nasud kampanya parti turismo in mapaso nga ginkarawat han UK. Nagsering nga ginhatag han London an iya hul-os nga pagsuporta para han kanan Pilipinas turismo pinaagi hin panmutang hin iba-iba nga hitsura han Pilipinas didto ha ira mga double-decker nga mga bus, mga taxi cabs nga undergrouns stations .

“Now, 25 double-decker buses and 50 black cabs sporting a uniform design of the slogan, logo, and different faces of the Philippines are now spotted around the bustling streets of London (while) images of the world-famos Ifugao Rice Terraces and the Puerto Princesa Underground River, both proclaimed as World Heritage Sites, are also found at the subway stations,” sering han DOT.

An DOT han Pilipinas amo an pinaka-una nga national tourism organization para magpasamwak pinaagi han digital platform han mga taxi nga gintatag-iyahan han Verifone Media. An mga London cabs in mayda usa nga 30 minutos nga digital ad kun diin nagpapakita han 30 ka-segundo nga It’s more fun in the Philippines TVC (television commercial) ngan han 15 ka-segundo nga tarsier TVC nga ha diri pala maiha iginlunsad ha bug-os nga kalibutan pinaagi ha CNN.

An media hype pinaagi han London cabs in magpapadayon tubtub ha turo-temprano ha sunod nga tuig, nga may opurtunidad pagkuha han atensyon han miloynes nga mga bisita ngan mga magkirita ha mga panimalay han Queen’s Jubilee, an London 2012 Olympics, ngan han season 2012-2013 han Fulham Football Club han English Premier League.

“The world will now start to see that ‘It’s More Fun in the Philippines’ is not just a bunch of words on a streamer. It is a competitive argument for choosing the Philippines as one of the world’s top tourist destinations. Philippine tourism is poised to surge forward as we launch more aggressive initiatives to reinvigorate the industry and work towards achieving our 10M target by 2016,” sering ni Tourism Secretary Ramon Jimenez.

Dida han iya opisyal nga pagbisita dinhi, hi Pangulo Aquino in magkaka-ada hin sunod-sunod nga mga business meetings ha mga panguna nga mga British nga kapitalista sugad han Rolls Royce ngan Cebu Pacific, Aboitiz Equity Ventures Gas Project, Shell ngan Nestle, labot la han iba pa.

Hi Pangulo Aquino in magkaka-ada hin opurtunidad pakigkita han Royal Highness nga amo an Duke of York Prince Andrew didto ha Buckingham Palace. Magkaka-ada gihapon hiya hin bulag la nga pakigkita kan Prime Minister David Cameron ha 10 Downing Street.

An pangobyernohan ni Her Majesty Queen Elizabeth in magkaka-ada gihapon hin paningudto para han Pangulo nga pangungunahan han Foreign and Commonwealth Office Minister Jeremy Browne ngan han Lord Mayor han London nga hi Alderman David Wootton didto ha Lancaster House. (EOPT/ldl/Trans. MAA/PCOO-PIA8)