Waray news:Aquino nagpagawas EO pagreporma han pagmimina nga sektor

By Marivic A. Alcover

Wednesday 11th of July 2012

MANILA, Hulyo 11 -- Gin-aprobaran ni Pangulo Aquino in mga reporma ha industriya han pagmimina ha ilarum han Executive Order No. 79 nga nagpapahamtang para hin pagpakuro-kusog nga proteksyon ha kapaligiran, pagpasarang hin mas responsabli nga pagmimina ngan paghatag hin mas tuhay nga pagdistribwer han kita ha butnga han nakikita nga pagsulong han sektor.

Sering ni Executive Secretary Paguito N. Ochoa Jr. nga an bag-o nga mando han Pangulo nga ginpirmahan niya dida han Hulyo 6, in may panuyo nga mas tuhayon an mga palisiya parti ha pagmimina ngan mga regulasyon ha nasud para magin mas klaro ngan may baratunon an mga nahitutungdan.

“The executive order is a product of input from stakeholders at all levels to address their concerns,” sering ni Ochoa. “We are confident that with the EO in place, we will be able to put order in processing mining applications and at the same time reinforce protection of the environment, spur economic growth, and create employment opportunities.”

An mando han Pangulo in basi dida han gintimpo nga resolusyon han Cabinet clusters mahitungod han climate change adaptation and mitigation, ngan pag-uswag han ekonomeya nga petsado Marso 16, 2012 pagpauro-upay han mga kaangayan pagsundon ha pagmimina ngan madugangan an kita pagpasarang han padayon nga pag-uswag para han kaupayan han ngatanan.

An EO No. 79 in nagtutudlok han mga sona nga sarado para mga burohaton parti pagmimina – magin ha mga kuntrata, kunsesyon o ginkasarabutan – kaupod han mga lugar nga ginsasakupan han National Tourism Development Plan, may kadelikaduhan nga mga lugar ngan island eco-systems, panguna nga mga tuna pan-agrikultura nga nahipapa-ilarum han RA 5567, strategic agriculture and fisheries development zones nga iginpahamtang han Department of Agriculture. An pagmimina in diri gintutugot ha mga lugar nga pinantudlok na ha ilarum han naeksister nga mga balaudnon parti ha pagmimina, agraryo ngan mga protektado nga mga lugar, pati mga lugar nga gindeterminar han Department of Environment and Natural Resources (DENR). Mga kuntrata ha pagmina, mga kunsesyon ngan mga ginkasarabutan nga gin-aprobaran antis han pagpagawas han bag-o nga direktiba in napabilin nga epektibo ha kundisyon nga an mga kumpaniya in nagsusunod han naeksister nga mga balaudnon, mga regulasyon ngan, mga termino ngan mga kundisyon han nasabi nga donasyon.

Gintudlok dida han EO Blg. 79 an mga diri pwede tagan hin katugutan han pagmimina – ha mga kontrata, konsesyon o ginkasarabutan – kaupod an mga lugar nga napapailarum han National Tourism Development Plan, mga delikado nga mga lugar ha may island eco-systems, mga panguna nga pan-agrikultura nga tuna nga nahipapailarum ha RA 6657, mga ginkukunsiderar nga mga pan-agrikultura ngan fisheries development nga mga sona, ngan mga fisheries development zones nga iginpahamtang han Departamento han Agrikultura bali mga sangtuwaryo han mga isda. Diri tutugotan nga magmina ha mga lugar nga ha ilarum han balaud nga naeksister in balaudnon nga may kalabutan han pagmimina, agraryo ngan ginproteheran nga mga lugar, sugad man an maski diin nga lugar nga pwede matudlok han Department of Environment and Natural Resources (DENR).