Waray news: Pantawid Pamilyang Pilipino Program nakaparehistro na hin masobra 3 milyones nga mga panimalay – Malacañang

Friday 20th of July 2012

MANILA, Hulyo 20 -- Alinsunod han kan Pangulo Benigno S. Aquino III programa paghatag han mga Pilipino hin higayon para hin komprehensibo nga pamaagi para hin edukasyon, maupay nga panlawas, ngan pagpa-uswag han pamilya, an Pantawid Pamilyang Pilipino nga Programa (4Ps) in mayda na nanhilista nga masobra tres milyones nga mga pamilya dida ha Mayo han yana nga tuig.

Sering ni Presidential Spokesperson Edwin Lacierda dida han pakigharampang ha mga taga-media ha Malacañang dida han Huwebes nga hitaas an kumpyansa han gobyerno nga an nasustiner nga implementasyon han 4Ps in magreresulta han padayon nga paghinga-upay han kalidad han mga kinabuhi han kablas nga mga Pilipino.

An Department of Social Welfare and Development (DSWD) in nagpasabot nga 3,015,671 nga mga pamilya in nanhilista na dida han programa dida pa han Mayo 23, 2012, sering ni Lacierda.

“Of these households, a total of 7,545,615 children aged 0-14 years old are covered in the program,” sering niya.

Sering ni Lacierda nga an 4Ps in gin-iimplementar ha 138 nga mga siyudad ngan 1,261 nga mga munisipyo ha bug-os nga nasud.

Han Mayo31, han yana nga tuig, maabot 1,707 nga mga benepisaryo an pinan-ngempleyo han Department of Public Works and Highways (DPWH), sering ni Lacierda basi dida han report han DSWD.

Sering niya nga 390 nga mga pamilya in gintagan hin pundo bali kapital kaparti han sustainable livelihood program nga gintawag nga Self-Employment Assistance-Kaunlaran (SEA-K).

Hi Pangulo Aquino in napabilin kakumitido pagpakuro-kusog han kanan gobyerno kumprehensibo nga pagpadalagan han pagpakuro-kusog han mga Pilipino nga katawhan pinaagi hin paghatag ha ira hin mga serbisyo, abilidad, ngan pundo nga makakabulig ha ira para magkaada hin mauro-upay nga kinabuhi. (Trans. by MAA/PIA8)