Waray news: Embahada han Pilipinas ha Dili nagsalin-urog han ika-114 nga anibersrayo han proklamasyon han kanan Pilipinas katalwasan

By Gemma T. Tabao

Thursday 14th of June 2012

MANILA, June 14 (PIA) -- An mga opisyales ngan empleyado han embahada han Pilipinas ha Dili, kaupod han mga miyembro han kanan Filipino komunidad, in nagsalin-urog han ika-114 nga anibersaryo han proklamasyon han kanan Pilipinas katalwasan pinaagi hin pag-isa han bandera nga seremonyas ha libong han embahada.

An mga miyembro han tigawas na nga grupo han Filipino United Nations (UN) police officers ha Timor-Leste, kaupod hi Contingent Commander Supt. Mario Llorin, in nanguna han pagkanta han Philippine National Anthem ug an pagluwa han Pledge of Allegiance ngadto han Philippine National Flag.

Hi Third Secretary ug Vice Consul Maurice A. Tiempo an nagbasa han Independence Day nga mga mensahe nira Pangulo Benigno S. Aquino III ug Foreign Affairs Secretary Albert F. del Rosario.

Ha pagpasabot han kanan yana nga tuig tema nga Katalwasan: Baratunon han nasud para han matadong nga dalan, hi Philippine Ambassador ngadto ha Timor-Leste Maria Aileen H. Bugarin in nagduon nga an pagtrabaho para han kaupayan han nasud in ginburubligan nga responsibilidad han gobyerno ug han katawhan. Hiya in nag-aghat han komunidad han mga Filipino "nga magin desidedo nga kasugbong ug partido ug may dedikasyon nga katrabaho " ka kabug-usan nga hingyap para hin mahimyang ug mainuswagon nga Pilipinas.
Hi Ambassador Bugarin in nag-aghat gihapon han mga Filipino ha Timor-Leste nga mamati han panawagan ni Pangulo Aquino nga diri bumaya ha matadong nga dalan, ug magpadayon pagrespeto han mga balaud han Pilipinas ngan Timor-Leste.

Ha pagtigaman gihapon han International Day of Peacekeepers, nga ginsasalin-urog kada ika-29 han Mayo, an Ambassador in nagpasalamat han kanan yana grupo han mga Filipino peacekeepers ha pagpa-uruupay han imahe han Pilipinas ug han mga Filipino mismo ha atubangan han nananagbalay nga nasud ug han iya mga tawo. Ha paghatag hin pasidungog han grupo han Pilipinas, an embahada in nag-imbitar kan United Nations (UN) Police Commissioner Luis Miguel Carrilho ngadto han aktibidades.

Ginserbe an kanan Filipino pamahaw katapos han seremonyas han pag-isa han bandera. (translated by GTT/PIA8/PCOO online news)