Waray news: Kanan TESDA Online nga mga Programa mayda hiluag nga naabot; mga naggradwar nakatrabaho na

By Gemma T. Tabao

Thursday 21st of June 2012

MANILA, June 21 (PIA) -- Kasumpay han kan Pangulo Benigno S. Aquino III pantrabahuan nga programa ha ilarom han iya kontrata ha mga Filipino, an Technical Education and Skills Development Authority (TESDA) in nagpasabot han padayon nga implementasyon han TESDA Online Program (TOP) nga naghahatag hin paghag-id ngadto han mga interesado nga mga tawo ha bisan ano nga oras, bisan diin ha hibubo nga gasto.

Ha iya report ngadto kan Pangulo Benigno S. Aquino III, hi TESDA Director General Joel Villanueva in nagsering nga ha pagkayana, an TESDA Online Program (TOP) in mayda porluminos 19,968 nga mga rehistrado nga man garamit tikang han paglunsad han Mayo ug nakakuha nah in 553,583 nga pangita.

Hi Villanueva in nagdugang pa nga an mga nag gradwar han TOP in yana may trabaho na, nakakahatag na hin kalidad nga kinabuhi ngadto ha ira mga pamilya.

Hi TESDA "Specialista" Griselle Claveria, nga nagkuha hin Computer Hardware Servicing NC II online, in yana nagtratrabaho na ha Singapore. Hi Claveria in nagsering nga natuod hiya nga an programa in naghatag ha iya han kinahanglanon nga hibaro nga naghatag ha iya hin pakalabaw para han iya yana trabaho.

In usa pa nga TESDA “Specialista” nga hi Jhonathan Luzano, anay sales promoter, in nakakuha gihapon hin desente nga trabaho kumo laptop ngan computer technician katapos makahuman han online nga kurso ug makapasar han national competency assessment.

Ha siyahan, upat nga online nga mga kurso in matatagamtaman ha ilarom han TOP, nga amo an, Computer Hardware Servicing NC II, Room Attendant Servicing NC II, abilidad ha Housekeeping NC II ug pagserbisyo ha Cellphone nga usa han mga abilidad han Consumer Electronics Servicing NC II.

Hi Villanueva in nagsering nga an gobyerno Aquino in naghihingita hin pagkaada hin total nga napulo nga mga kurso ha sakob han tuig kumo kaparte han padayon nga kauswagan han online nga programa ha edukasyon. (Translated by GTT-PIA8, PCOO online news)