Waray news: VP Binay mangunguna ha R. A. C. E. to Serve Fun Run

Thursday 12th of July 2012

MANILA, Hunyo 12 -- Ha pagsalin-urog han ika-112 nga anibersaryo han Philippine Civil Service yana nga umarabot nga Setyembre nga mayda tema nga “Kawani, Ikaw ay Isang Lingkod Bayani”, an Civil Service Commission (CSC) in otro nga magdudumara han “R.A.C.E. to Serve II Fun Run”. Pagbubuhaton ha Setyembre 8, 2012, 5:00 han aga ha Quirino Grandstand, Rizal Park, Manila, hi Vice President Jejomar C. Binay ug CSC Chairperson Francisco T. Duque III in mangunguna hini nga aktibidades.

An mga kategoriya amo in 3K, 5K and 10K, kalalakin-an ug kababayen-an. An Fun Run in abri ha publiko. An mga madalagan in kinahanglan 18 anyos ug sobra pa para makabulig.

Kada tagsa in gin-aaghat nga bumulig hini nga aktibidades kay an kita hini nga Fun Run in mahingangadto han endowment fund para han mga pamilya han mga empleyado han gobyerno nga namatay nga may kalabutan han ira serbisyo. An panrehistro in tubtob Agosto 6, 2012 ug an mga porma in pwede ma download ha www.celebratepcsa.wordpress.com.

An Fun Run in ginbubuhat ha kooperasyon ha Philippine Sports Commission (PSC), National Parks ug Development Committee (NPDC), City Government of Manila, Pasay City Government ug Land Bank of the Philippines (LBP).

An mga interesado nga mga partisipantes in pwede makipagsumpayan kan Director Claudia A. Tan ha (02) 381-7681 o Mr. Henry Peliño ha (02) 749-9026, 02-7408412 loc. 205 o pag e-mail csc_ncr@yahoo.com o cscncr_psed@yahoo.com. (translated by GTT/PIA8/PCOO online news)