Waray news: Goberno Aquino dire natugot nga amendaran an kanan 1987 Batakan Balaud ha pagka-yana

By Alicia E. Nicart

Wednesday 4th of July 2012

MANILA, July 4 (PIA) -- Marig-on la gihapon an tindog ni President Benigno S. Aquino III nga dire hiya nasigi ha pagka yana nga amendara an Batakan Balaud (BB) kay dire man daw gud kinahanglanon ine yana nga panahon, yana nga mas importanate daw nga mapaursa an an kanan nasud kapas ha paghatag proteksyon ha teritoryo han nasud, sumala ine hin usa nga opisyalo han Malacanang.

Pahayag ine ni Presidential Spokesperson Edwin Lacierda durante han regular nga press briefing ha Malacanang kakulop, Lunes, kasumpay hin mga report nga mayda daw gud mga grupo nga iginduduso an pagbabag-o han Konstitusyon basi daw maparig-on an seguridad han nasud tikang han magtatalumpigos nga mga nasud.

Sering pa daw ni Lacierda nga lugod, ha pagka yana, ginsisiguro an pagmalakapalit han goberno hin higamit nga sadang makahatag depensa oras hin pagtalumpigos ug waray daw ine niya babatia nga pag-amendar han BB.

Mayda daw mga balita nga plano han Armada Pwersa han Pilipinas hin pagpalit hin unom nga jet fighters agud ine idepensa ha magpoproyba pagkabat han kanan Pilipinas kadagatan ug kananaypan.

Dugang pa daw ni Lacierda, nga kun mayda man la iba nga paagi hin pagsolbar hin mga problema labot la han pag amedare han BB, asya lugod it ira bubuhaton. (PIA 8, Eastern Samar/Trans:aen)