Waray news: Malacañang nagpahimatngon ha mga eskwelahan kontra hin panukot hin iligal nga mga kabaraydan

Tuesday 5th of June 2012

MANILA, Hunyo 5 (PIA) -- Iginpahinumdom ngahaw han Malacañang kakulop nga an mga kag-anak hiton mga kindergarten ngada hiton kuwarto grado en diri kinahanglan papagbayaron hin ano man nga kabaraydan ha eskwelahan sugad nga iginsasagda dida hin usa nga kamando-an han Department of Education (DepEd).

Dida hin usa nga press briefing nga iginpasamwak ha dzRB Radyo ng Bayan, nagsering hi Deputy Presidential Spokesperson Abigail Valte nga bisan hin-o nga nagtratrabaho ha eskwelahan man o ha Parent-Teachers Association nga diri magsusunod han mao nga kamando-an han DepEd en mapipinahan.

Gintagan niya hin duon nga waray gud school fees nga pwede sukton ha mga eskwela tikang ha kinder ngadto hiton kuwarto grado sakob hiton bug-os nga tuig hiton panngiskwelahan.

Kondi, nagsering hi Valte nga mayda pira nga kabaraydan, sugad hiton kanan Boy Scouts, Girl Scouts, Philippine National Red Cross, publikasyon han eskwelahan, anti-TB fund drive ngan an PTA, en mahimo kolektahon ha boluntaryo nga basihan tikang hiton mga eskwela ha quinto grado ngada hiton Fourth Year high school.

Ginklaro niya nga an diri pakabayad hin mga estudyante han nasabi nga boluntaryo nga mga kabaraydan en diri basihan agud diri ini hira karawaton, diri papasaron ngan diri pagtagi hin clearance.

“Yung mga PTA po na magpipilit na ganito gawin ito ay mawawalan po ng kanilang recognition. At ang mga school personnelnaman po na magpipilit na may hindi i-admit na bata dahil po sa pagbabayad ng mga nabanggit nating mga fees ay mapaparusahan po ng DepEd,” pahayag pa ni Valte. (EOPT/Ginbinisaya ni DUM/PCOO-PIA8 Eastern Samar)