Waray news: Gobyerno mag iimplementar san paghatag bunos san magtatrabaho san sistema subay san nahimo nga trabaho – Secretary Abad

MANILA, Hulyo 12 (PIA) -- Basi maduso an mga magtatrabaho san gobyerno ngan institusyon nga magtrabaho lahos pa san ginmamando sa kada tagsa, an administrasyon ni Presidente Benigno C. Aquino III in mag iimplementar san performance-based system san paghatag bunos nga ig-aapi dida san 2013 General Appropriations Act. Ini an sugad ni Budget Secretary Florencio Abad.

Dida san press briefing sa Malakanyang, si Abad nasugad nga ini nga naiiba nga pamaagi san paghatag bonus sadton kaangayan nga empleyado in kasumpay san kan Presidente Aquino direktiba pagsayo san performance-based management systems sa gobyerno.

Ginhihingyap ta liwat nga mapakusog an accountability dida san panpubliko nga institusyon ngan serbisyo publiko para magtrabaho san kanra mando mao nga padayon an ginhihimo naton nga pagpahilarum san performance budgeting ngan sayuon an performance-based management systems sa gobyerno.

Dugang niya, ini nga additional bunos in iba san nahigaraan nga productivity enhancement incentive nga ginhahatag ngada san magtatrabaho san gobyerno kada tuig.

Ini nga bag-o nga igpapahamtang sa sunod nga tuig in sayo nga performance-based bonuses nga ada sa singko mil abot 35 mil ka pesos kada empleyado labot san productivity enhancement incentive nga 5 mil nga ira makakarawat, sugad ni Abad.

Sugad niya, an dugang nga detalye matungod sini nga incentive program in ighahatag sa diri maiha. (EOPT/Translated by:AND-PIA8 Northern Samar, PCOO)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines