Cebuano news: DOH nagpatin’aw sa pamaayo sa pag’atiman sa panglawas nga sistema ubus sa administrasyon ni Aquino

Saturday 21st of July 2012

MANILA, Hulyo 21 (PIA) -- Ang pamunoan ni Aquino nag’usab sa sistema sa pag’atiman sa panglawas sa nasod, pulihan ang daan nga paagi nga gipahiangay sa universasl healthcare, ang opisyal sa panglawas nagingon sa Huwebes.

Sa pahamatngon sa mga magbabalita sa Malacanang, ang Health Undersecretary Teodoro Herbosa nagpatin’aw sa pagwala sa mga charity wards sa hospital sa gobyerno ug pulihan ug health insurance alang sa mga kabus.

Si Herbosa nagpasabut nga sa una, kung ang mga kabus masakit, moadto sila sa publiko nga hospital ug gipasulud sa charity beds. Ang pasyente sa charity ward gihangyo nga mopalit sa ilang kaugalingon nga tambal, mobayad sa x-ray ug CT scans ug laboratory nga pagusisa, kasagaran sa dili maayo nga pagdumala nga hospital sa gobyerno, ingon niya.

Paglakip sa mga gasto, ang mga kabus sa naandan nangayo ug tabang sa mga politiko, non-government organizations ug sa mga relihiyoso nga kapunungan o magtinguha pagbiling ug kaugalingon nga kwarta, ingon ni Herbosa.

Apan ubus sa pamunoan ni Aquino, ang Department of Social Welfare and Development naglista ug 5.2 ka milyon nga panimalay, nga giisip nga labing kabus nga populasyon pinaagi sa national targeting system.

Ang nasyonal nga pamunoan nagpasiugda ug health insurance sa mga kabus ubus sa Philhealth, si Herbosa nagingon, ug nagdugang nga ang nasyonal nga pamunoan nagbayad sa insurance sa mga apil sa lista sa nasyonal household nga mga kabus. Ang badyet nga gitagana sa gobyerno karong tuiga miabot ug P12 ka bilyon, ug kini dako nga badyet. Kini ang naandan nga badyet sa DOH sa miagi nga pamunoan,

Ug karon, kini badyet lamang pagpaapil sa labing pobre nga Pilipino sa Philhealth, si Herbosa nagpatigbabaw. Karon, tungud kay ang kabus mga miembro sa Philhealth, sila gihatagan ug katungud sa mga benepisyo sa panglawas kahuman sila gilista sa national health insurance.

Ang tanan nga hospital sa gobyerno gilauman nga dawaton ang mga miembro niini nga gipasiugda nga programa sa DOH nga walay balaydan nga sistema, nagingon si Herbosa.

Ug kini nagkahulugan, nga walay dugang nga kabalaydan, maghimo lang sila sa ilang Philhealth membership cards. Sa ingon pag’adto nila sa hospital kung masakit sila makakuha sila sa benepisyo sa panglawas nga ihatag sa Philhealth. Ang hospital na ang magpadala sa ilang kabalaydan sa Philhealth. (Translated by Teresita B. Cardenas/PIA 8-Northern Samar)