Cebuano news: Pagsaka sa presyo sa bulan sa Mayo mikubos og 2.9 ka porsiento

By Erna S. Gorne

Thursday 7th of June 2012

MANILA, June 7 (PIA) -- Ang tinuig nga headline sa pagsaka sa presyo mikubos og hinay ngadto sa 2.9 ka porsiento sa Mayo gikan sa 3.0 porsiento sa Abril, nahisulod sa banabana sa BSP nga 2.5-3.4 porsiento alang sa bulan. Kini nagdala sa year-to-date (ytd) nga average nga pagsaka sa presyo ngadto sa 3.0 porsiento, diin kini anaa sa hamubo nga bahin sa Gobierno nga pagsaka sa presyo nga tumong diha sa 3-5 porsiento alang sa 2012. Sa lain bahin, ang core inflation, diin kini wala magsakop sa pipila ka mga pagkaon og enerhiya nga mga butang aron sa pagsukod sa heneral nga price pressures, misaka og hinay ngadto sa 3.7 ka porsiento sa Mayo gikan sa 3.6 ka porsiento sa Abril. Ang core inflation nag-average og 3.5 ka porsiento alang sa unang lima ka bulan sa tuig.

Ang gamay nga pagkubos sa headline sa Mayo nahitabo tungod sa paghinay sa pagsaka diha sa mga presyo sa non-food items, ilabina sa pabalay, tubig, suga, gas og ubang nga produkto sa gasolina og sakyanan. Ang hamubo nga balayranan alang sa household electricity og pagkubos sa pag-adjust sa presyo alang sa LPG, kerosene, gasoline, og diesel mao ang nagpursige sa pagkubos sa dili-pagkaon nga mga butang.

Samtang, ang pagsaka sa presyo sa pagkaon nagpabilin nga mao ra samtang ang presyo misaka diha sa bugas og asukal gibawi sa mas mubo nga presyo sa isda, utanon, prutas, lana og tambok, og karne.

Si Governor Amando M. Tetangco, Jr. nagpahayag nga ang mas hamubo nga presyo nga nabasa sa Mayo nagpabilin diha sa pagtuon sa BSP sa usa ka madumala nga inflation outlook diha sa policy horizon, nga adunay average nga pagsaka sa presyo nga mahimo nga magpabilin sulod sa 3-5 porsiento nga gitumong nga dapit. Siya nagpasalig nga ang BSP magpadayon sa suhid nga pagsunod sa presyo og output nga mga kalambuan aron sa pagsiguro nga ang monetary nga palisiya setting nagpabilin nga sama ra diha sa price stability nga tumong samtang ang pagpaluyo sa balanse og mapadayonon nga pagtubo. (Gibinisaya ni ESG/PIA8 SoLeyte)