Cebuano News: DSWD magdumala sa ASEAN Conference Workshop kalabot sa Cyber Pornography og Cyber Prostitution

By Erna S. Gorne

Tuesday 19th of June 2012

MANILA, Hunyo 19 -- Ang Department of Social Welfare and Development (DSWD) magdumala sa ASEAN Conference on Working Toward a Cyber Pornography and Cyber Prostitution Free Southeast Asia sa Hunyo 19-21 didto sa Diamond Hotel, Pasay City.

Mokabat sa 21 ka mga partisipante gikan sa ASEAN nga mga nasud – Brunei Darussalam; Cambodia; Indonesia, Lao PDR, Malaysia, Myanmar, Philippines, Singapore, Thailand og Vietnam ang motambong sa workshop. Sa sama nga paagi, ang local og langyaw nga mga mamumulong gikan sa ASIA-Against Child Trafficking (ASIA-ACTS), International Center for Missing and Exploited Children (ICMEC), Paypal and Facebook ang gi-imbitahan sa pagkig-ambit og pakigpulong sa mga kamatuoran/dynamics sa cyber pornography og cyber prostitution.

Ang Social Welfare and Development Secretary Dinky Soliman manguna sa pag-abli sa mga seremonyas, samtang ang Korean Ambassador Hye Min Lee magdala sa iyang mensahe.

Atol sa tulo ka adlaw nga komperensya, ang mga partisipante makig-ambit og binaylo-ay sa ilang kasinatian sa nasud og mga inisyatibo diha sa pakigbugno sa cyber pornography og cyber prostitution, lakip ang pagporma og kusganon nga rehiyonal nga pakiglambigit og kolaborasyn sa pagsulbad niini nga problema.

“The complexities of cyber pornography and cyber prostitution transcend national boundaries. One solution to this problem is a strong regional cooperation among ASEAN member states through sharing of best practices, joint sourcing and technology transfer towards a more child and woman-friendly Southeast Asia,” matud ni Secretary Soliman.

Sa iyang kabahin ang DSWD nagpaluyo sa Senate Bill No. 2796 kon ang Cybercrime Prevention Act of 2012 magsilot sa cybersex, child pornography kalabot sa web, spamming og uban nga mga krimen kalabot sa web.

Ang Bill nagtumbok sa pagpatuman sa mga silot alang kaniadtong nalambigit sa cybersex lakip ang tinuyo nga pagkalambigit, pagpadayon, pag-kontrola sa operasyon, direkta og dili direkta, sa bisan unsa nga law-ay nga pagpakita ko sekwal nga mga organo kon kalihokang sekwal, inabagan sa sistema sa computer. Kining mga silot mao ang pagkapriso sulod sa 6 ngadto sa 12 ka tuig kon multa og P200,000
nagadto sa P1 milyon. (Gibinisaysa ni ESG/PIA8 SoLeyte)