Cebuano news: Malakanyang nagpahibalo sa pagpagawas sa executive order kalabot sa pagmina sunod semana

By Erna S. Gorne

Monday 9th of July 2012

MANILA, Hulyo 9 (PIA) -- Presidente Benigno S. Aquino III nagpirma na sa executive order (EO) kalabot sa pagmina diin kini nagtumong sa pagmugna og dugang kinitaan alang sa gobierno og pagsulbad sa industriya sa pagmina og environmental concerns, matud sa opisyal sa Palasyo kaniadtong Sabado.

Si Presidential Spokesperson Edwin Lacierda mipahayag sa usa ka interview nga gipalanog diha sa gipanag-iya sa gobierno nga DzRB Radyo ng Bayan kaniadtong Sabado nga si Executive Secretary Paquito N. Ochoa Jr. magpagawas sa bag-o nga palisiya sa pagmina sa sunod semana.

Si Lacierda mipahayag si Environment and Natural Resources Secretary Ramon Paje magpahigayon og usa ka press briefing aron sa pagpasabot sa executive order.

"Para walang agam-agam dito sa EO na ito dahil matagal na itong inaabangan ng business (sector) specially the mining industry at saka ng mga environmentalists, ipapaliwanag po ni Secretary Mon Paje ang EO on mining," matud ni Lacierda.

Si Lacierda mipahayag nga ang administrasyon nagpahigayon og halapad nga konsultasyon kauban sa mining stakeholders sa wala kini natapos ang bag-o nga mining palisiya.

Ang gobierno nagmugna og bag-o nga palisiya nga maghatag og benepisyo alang sa gobierno og sa mga tigbubu og puhunan sa mina.

Sa pagmugna sa bag-o nga palisiya sa pagmina, ang Aquino nga administrasyon naglaum nga ang bag-o nga lakang maghatag og dugang kinitaan alang sa gobierno taliwala sa hataas nga panginahanglan alang sa metallic nga mga resources. Ang bag-o nga EO usab nagtumong sa pagbalanse sa mga panginahanglan kalabot sa pagpanalipod sa kalikopan og ekonomikanhon nga ganansiya. (EOPT/Gibinisaya ni ESG-PIA8, SoLeyte)