Cebuano news: Pantawid Pamilyang Pilipino Program nakalista na og sobra 3 milyones ka mga pamilya-matud sa Malakanyang

Monday 23rd of July 2012

MANILA, Hulyo 23 -- Sa pagtuman ni Presidente Benigno S. Aquino III sa iyang panaad sa paghatag sa mga Pilipino og agi-anan ngadto sa usa komprehensibo nga tabang alang sa edukasyon, pag-atiman sa panglawas og kalambuan sa panimalay, ang Pantawid Pamilyang Pilipino Program (4Ps) nakapalista nga og sobra 3 milyones ka mga pamilya kaniadtong Mayo karong tuiga.

Si Presidential Spokesperson Edwin Lacierda mipahayag atoll sa usa ka press briefing sa Malakanyang kaniadtong Huwebes nga ang gobierno masaligon nga sa padayon nga pagpatuman sa 4Ps magresulta ngadto pagpadayon nga kalambu-an sa kalidad sa kinabuhi sa mga kabos nga Pilipino.

Ang Department of Social Welfare and Development (DSWD) nagtahu nga 3,015,671 ka mga pamilya ang nakalista diha sa programa sa Mayo 23, 2012, sumala kang Lacierda.

"Of these households, a total of 7,545,615 children aged 0-14 years old are covered in the program," matud niya. Si Lacierda mipahayag nga ang 4Ps gipatuman sa 138 ka mga siyudad og 1,262 ka mga lungsod sa tibook nga nasud.

Sa Mayo 31, karong tuiga, mokabat og 1,707 ka mga benepisyaryo ang gipatrabaho sa Department of Public Works and Highways (DPWH), matud ni Laciersa sa iyang tahu diha sa DSWD nga tahu. Matud niya nga ang 390 ka mga pamilya ang gihatagan og capital seed nga pundo ingon nga kabahin sa mapadayonon nga programa sa panginabuhi-an nga gitawag og Self-Employment Assistance–Kaunlaran (SEA-K).

Si Presidente Aquino nagpabilin nga komitado alang sa dugang pagpalig-on sa gobierno nga komprehensibo ng pag-atubang aron sa paghatag og kagahum sa mga katawhang Pilipino pinaagi sa paghatag kanila sa mga serbisyo, kahibalo og rekurso nga magtabang kanila alang sa mas maayo nga kinabuhi. (Gibinisayan ni ESG/PIA8 SoLeyte)