Cebuano news: DepEd nag-isyu ug detalye kabahin sa no-collection policy

By Rebecca S. Cadavos

Monday 4th of June 2012

PASIG CITY, June 4 (PIA) -- Ang Department of Education o Deped nakakab-ot sa mas detalyadong giya kabahin sa dili pagkolekta diha sa pampublikong eskwelahan nga magsilbi isip giya sa school officials ug mga ginikanan.

“We can only encourage more parents to bring their children to school if they are not intimidated by school fees, that is why, I urge all school officials to strictly observe these guidelines under the pain of administrative sanctions,” si Education Secretary Br. Armin A. Luistro FSC nagkanayon sa usa ka press release gikan sa DepEd.

Base sa DepEd Order 41 series of 2012, si Luistro nagmando sa tanang opisyales sa eskwelahan nga walay kolektahon nga bayronon gikan sa mga estudyante sa kindergarten hangtud na sa Grade 4 bisan sa unsang oras atul sa school year 2012-2013. Sa Grade 5 nga estudyante, adunay kolektahon gikan sa Hunyo ngadto sa Hulyo 2012.

Hinoon, sugod sa Agosto 2012 kutob sa kataposan sa school year 2013, ang mosunod nga bayronon kolektahon pinaagi sa boluntaryo: Boy Scouts and Girl Scouts of the Philippines membership fees sa P50 kada estudyante; Philippine National Red Cross- P35 per learner; Anti-TB fund drive- P5 per learner; school publication fee - P60 kada elementary pupil ug P90 matag high school student. Ang Parents-Teachers Association fee kinahanglan resonable ug atul sa PTA general assembly.

Ang PTA makakolekta lamang ug kontribusyon sugod sa Agosto ug kini human lamang mapresentar ang membro sa PTA ug mitaho na ngadto sa school head o principal kabahin sa paggamit sa kanhi koleksyon sa milabayng school year ug ang school year 2012 proposed budget kauban ang program of activities.

“The amount of contribution to the PTA which is to be presented to the body and concurred in by the principal/school head does not make the contributions mandatory. It remains voluntary,” si Luistro nagkanayon.

Ang hepe sa edukasyon nagpahinumdom usab nga ang PTA kinahanglan mag-undang sa pagbutang ug dagkong kantidad alang sa boluntaryong school contributions alang sa graduation ceremonies, extracurricular activities ug ingon man sa pagmenos sa mga hangyo nianang in-kind nga kontribusyon.

Ang kamanduan nagtumbok usab nga walay magtutudlo, opisyales sa eskwelahan ug mga personnel sa pagkolekta ug balayronon/kontribusyon o dili usab sila saligan sa pagkupot ug pagpagawas sa kolekta nga gihimo sa PTA base sa Code of Ethics for Professional Teachers.

“Let me be clear on this, in no case shall non-payment of voluntary school contributions or membership fees be made a basis for non-admission, non-promotion or non-issuance of clearance to a student. And that includes withholding of school cards,” si Luistro nagtumbok.

Ang kamanduan nag-ingon nga ang PTA nga molapas sa mga guidelines mawad-an ug rekognasyon. Angayan nga silot isang-at batok sa school personnel kinsa mahibaw-an nga milapas sa mga probisyon sa mandato. (EOPT/Translated by RGC/PIA 8, Southern Leyte)