Cebuano news: Saint Bernard maoy kandidato sa Eastern Visayas alang sa Kalasag Award national search

By Rebecca S. Cadavos

Wednesday 11th of July 2012

TACLOBAN CITY, Leyte, July 11 (PIA) -- Ang local disaster risk reduction and management council sa Saint Bernard, Southern Leyte ginominar isip maoy kandidato sa Eastern Visayas ngadto sa Kalasag Award national search.

Ang Office of Civil Defense-8 Director ug kasamtangang Regional Disaster Risk Reduction and Management Council Chairman nga si Rey Gozon nagkanayon nga ang nominasyon sa Saint Bernard migawas human sa pagtuon sa Regional Search Committee alang sa Kalasag award.

Ang Saint Bernard LDRRMC giila tungod sa maayong pagdumala sa disaster risk, humanitarian assistance diha sa pagpreparar o pagresponde sa mga kalamidad ug paglabang gikan sa mga kalamidad ug susamang mga emerhensya.

Ang Saint Bernard, diin mao ang nag-inusarang nominee gikan sa Eastern Visayas giila usab tungod sa best practices ilabi na sa pagdala sa lokal nga komunidad atul sa kalamidad pinaagi sa paggamit sa Early Warning System o EWS.

Ang Saint Bernard MDRRMC epektibong naggamit sa early warning system diha sa bag-o pa lamang nga kusog nga ulan nga natagamtam sa munisipalidad diin naglaip sa lunop ug flasfloods ug nakasalbar sa mga kinabuhi diha sa komunidad ug sa ngadto-ngadto nakakab-ot ug zero casualties.

Ang Saint Bernard MDRRMC giila usab sa ubang foreign-assisted non-government organizations o NGOs sama sa Care-ACCORD, ug uban pa, tungod sa epektibong paggamit sa early warning system diin nakasalbar sa kinabuhi ug ubang mga butang sa mga biktima sukad nga sila gipamalhin na sa dili pa moabot ang kalamidad.

Mao kini ang nag-inusarang nominee sa Eastern Visayas isip Best Municipal Disaster Coordinating Council sa rehiyon.

Ang komitiba naglakip ni NEDA Director Bonifacio Uy, DOST Director Edgar Esperancilla, PIA Director Erlinda Olivia Tiu, OCD Director Gozon ug mga representante sa DOH, DSWD, DILG, DepEd ug ang Philippine National Red Cross Leyte Chapter.

Ang Gawad KALASAG Award usa ka honor nga ihatag ngadto sa best government office, non-government organization ug indibiduwal kinsa nagpakita ug heroic acts atul sa kalmidad ug distroso ug ang pagtrabaho sa disaster risk management o DRM.

Ang Gawad KAlamidad at Sakuna Laban, SAriling Galing ang Kaligtasan o KALASAG gihimo aron sa pagbantay ug pagprotektar sa high risk communities batok sa kakuyaw diha sa pag-awhag sa pagpartisipar sa nagkalinlaing stakeholders diha sa pagdesinyo ug pag-implementar sa DRM nga mga programa.

Ang Kalasag mao ang termino sa Filpino nga “shield” o taming nga gigamit sa kanhiay nga mga Filipino isip maoy proteksyon gikan sa atake sa mga kaaway o peligrong mga mananap.

Ang pagpahibalo ug ang awarding sa mga manaog himoon sa Oktubre karong tuiga. (gibinisaya ni RGC/PIA8-Southern Leyte)