Cebuano news: Palasyo malaumon ang Pilipinas makapasar sa pag-usisa sa Financial Action Task Force

By Marcelo M. Pedalino

Saturday 9th of June 2012

MANILA, June 9 (PIA) -- Naglaum ang Malacanang nga ang paglabang sa duha ka balaodnon sa Senado may kalabutan sa money laundering igo na nga pagtuman sa Financial Action Task Force (FATF) aron ang nasud makalikay nga ma-blacklisted sa maong international body.

Ang Senado mi-approve pagka Miyerkoles sa ikatulo ug katapusang pagbasa sa usas mga balaodnon, ang Senate Bill 3127 kon ang Terrorism Financing Prevention and Suppression Act of 2012, nga maghatag higayon sa mga autoridad sa pagsuli ug pag-freeze sa bank accounts sa mga gi-suspetsahan nga mga terrorist groups nga wala na magkinahanglan og court order.

Ang SB 3127 nag-amendar sa Republic Act 9160 o ang Anti-Money Laundering Act of 2001 nga nag-ingon ang Anti-Money Laundering Council gitugotan nga mo-freeze sa bisan unsang account kon mamatud-an lamang nga dunay probable cause sa paghimo niini. Ang kausaban naglakip usab sa terrorist financing.

Kinahanglan mapasar sa Philippine Senate ang mao nga bill aron ang Pilipinas dili ma-blacklisted sa FATF, usa ka Paris-based inter-governmental body nga nagduso sa mga policy batok sa money laundering ug terrorist financing, kinsa mo-assess sa nasud gikan sa Hunyo 18 ngadto sa 22.

Matud ni Presidential Spokesman Edwin Lacierda sa press conference sa Malacanang kagahapon nga siya naglaum substantial compliance na ang gipakita sa nasud.

Niya pa nga si executive director sa Anti-Money Laundering Council Vicente Aquino moadto sa Paris aron ipasabot ang position sa Pilipinas. Si Aquino usab makighisgut sa proseso pagpalabang sa duha ka balaodnon ug ang pag-agad niini sa impeachment trial sa Supreme Court chief justice. (EOPT/translated by mmp-PIA 8, Southern Leyte)