Cebuano news: Walay putol sa mga benepisyo alang sa mga public health workers, ingon ang DBM

Tuesday 12th of June 2012

QUEZON CITY, June 12 (PIA) -- Si Budget and Management secretary Florencio Abad miingon kagahapon nga ang Magna Carta alang sa mga public health workers wala hing-kuhai.

Matud niya ang mga benepisyo sa mga trabahante nakadawat og tukmang budgetary support ubos sa FY 2012 General Appropriations Act (GAA).

Ang administrasyon nakadayeg sa trabaho nga gihimo niining mga public health employees labina kadtong na-assign sa mga lagyo, kabaryohan ug makuyaw nga mga dapit, sumala ni Abad.

Niya pa nga mao kini ang hinungdan ang GAA nag-gahin og P 348.1 million alang sa magna carta benefits sa tanang mga public health employees, kantidad nga napagawas na sa DBM ngadto sa Department of Health sayo karong tuiga.

Matud ni Abad ang maong appropriation naglangkob sa mga hatag alang sa binulan nga laundry allowance nga tag P 125.00 ug daily subsistence pay P 30 alang sa mga public health workers ubos sa DOH.

Ang budget chief midugang nga naglihok na karon sila tali sa health department aron matubag ang mga isyu paghatag sa maong mga benefits, ug gihatagan niyag duot nga dunay panginahanglan balansehon ang tiyabaw sa mga public health workers, ang limitado nga government resources, ug ang pagpatuman sa mga lagda alang sa pag-gamit sa maong pundo.

Ang mga benepisyo sa Magna Carta sa nangagi, sa iyang paniid, dali rang ka-abusahan tungod kay gipagawas kini nga wala pa gani maka-klaro ang DOH sa iyang savings pagtapos sa tuig.

Giklaro ni Abad nga angay i-streamline ang pagpatuman sa maong mga benepisyo, kay kadto lamang tataw nga makuyaw ang ilang kahimtang maoy angay makadawat sa hazard pay, ug kadto lamang actual working days ang angay kwentahon kon magbana-bana sa subsistence allowance.

Gikatakda nga magpagawas ra og Joint Circular kalabot niini uban ang mga lead agencies, dugang pa ni Abad. (translated by mmp/PIA8-Southern Leyte)