Cebuano news: Malacanang ning lamano sa tanang mga Muslim-Filipinos sa pagsaulog sa balaang buwan sa Ramadan

By Flordelis E. Jackson

Saturday 21st of July 2012

MANILA, Hulyo 21 (PIA) -- Ang Malacanang nag tunol sa iyang tim-os nga paglamano sa tanang mga Muslim-Filipinos sa pagsaulog sa Balang Buwan sa Ramadan.

“Samtang ang Balaang Buwan sa Ramadan nagsugod, among gipadala ang among tim-os nga paglamano ngadto sa tanan natong mga kaigsuonan nga mga Muslim-Filipino,” matod pa sa pahayag ni Presidential Spokesperson Edwin Lacierda durante sa regular press briefing didto sa Malacanang karong adlawa, Biyernes.

Ang Ramadan nagsugod sa Hulyo 20 ug mahuman sa Sabado, Agosto 18.

“Ang mga umaabot nga mga semana i-gahin sa solemne nga pagtuman sa mga prinsipyo o pamaagi sa spirituality, diha hugot nga pag skripisyo ug disiplina, komo lihok sa pag surrender ngadto kang Allah, ang labing mahinatagon ug labing maloluy-on” matod pa ni Lacierda.

“Kini mao ang mga panahon nga ang inyong gobyerno nag trabaho kauban ang mga tawo nga maayog kabubut-on, aron pag balik sa pagsalig ug kompyansa diha sa atong mga nag unang institusyon. Hinaut unta nga mapuno kita sa spiritu sa kooperasyon, pag respeto ug kompyansa samtang nangita kita sa dalan ngadto sa kalinaw,” matod pa niya.

Ang Ramadan mao ang panahon diin ang mga Muslims mag tagad sa usa ka buwan nga strikto nga pag puasa sulod sa 12 ka oras matag adlaw, gikan sa pag sidlit sa adlaw ngadto sa pagka-tunod sa adlaw. Pinaagi sa pag puasa, ang mga Muslims maglaum sa pagpalig-on sa ilang kaugalingon ug pagpalambo sa ilang ilang pag tuo. (EOT/translated by Flor Jackson-PIA8)