Maguindanaon News: Maguindanao endo North Cotabato, ibpapagingaten sabap sa posibli a agkadalem

By Herohito M. Yoshioka

Tuesday 5th of June 2012

KORONADAL CITY, South Cotabato, Hunyo 5 (PIA-12) -- Pembantayan saguna su mga prubinsya nu Maguindanao endo North Cotabato sabap sa posibli a agkadelem labi den saguna a pagugulan.

Su surveillance team na pinangunan nu mga miyembro nu 6th Infantry Division.

Tigin ni 6th ID public affairs chief Col. Prudencio Asto, pamonitoran den nu balang-balang a mga army units su mga ig kanu nadtelu a prubinsya ataw ka kanu masiken a mga dalapa.

Liyu kanu siya, midtayak den su mga combatans nu 40th endo 7th Infantry Battalions sa mga dalapa a lalayun padkadalem.

Naka-uman pen siya, su kabpapakataw kanu mga impormasyon amayka aden kagkadalem labi den ngin ba e wagib a galabaken su Department of Social Welfare and Development sa Autonomous Region in Muslim Mindanao (DSWD-ARMM) kanu una nu distrito nu Maguindanao.

Kabpakatadem kanu kina-ulan sa mabagel kanu minukit a padian a kinasabapen nu kinagkadalem sa pila a dalapa sa Central Mindanao kanu upama na madakel e na-apektuhan a mga pamulan endo madakel a mga taw e inimbakwit.

Su mga prubinsya nu North Cotabato endo Maguindanao na ibpadtimbang mana su flashflood-prone ares sabap sa mga ig a nakalibet lon mana su Rio Grande de Mindanao endo su Allah River. (HMYoshioka/PIA-12)