Maguindanaon news: Voter’s re-registration kanu ARMM pripiradu den

Tuesday 3rd of July 2012

KORONADAL CITY, South Cotabato, July 3 (PIA) -- Pripiradu den su “voter’s re- registration” a para kanu Autonomous Region in Muslim Mindanao (ARMM), tigin ni Commission on Elections director Ray Sumalipao.

Enadbaysen den ni Sumalipao su mga entayn e miyug makaparehistro kanu mangagan na mangay sa mga presinto kanu endaw silan mimbuto kanu 2010 elections ataw ka pananggiten su mga nisisita a mga papeles ataw ka dokumento a para sa kanilan a registration.

Tigin pen ni Sumalipao, diden silan paginggay kanu palugit a para sa nadtelu a “registration period” kanu upama na ipabpakataw den nilan sa mga botante na amayka di makaparehistro su mga kuwalipakado a mga botante ganat kanu Hulyo 9 taman sa 18 kanu nya a lagun na diden silan makamboto sa halalan kanu mauma enya a lagun nu 2013.

Inipaingatan bon ni Sumalipao kanu mga pagitung kanu kaumbal sa mga pidtelu a iregularidad a mana su kabpameke kanu kanilan a papeles endo mga “double registrans” andu makapagrehistro, diden enya kapakayan sabap sa aden den pidtelu a mekanismo nilan kanu kasigkem.

Kanu ulian nu tudtulan, pantag kanu niya, mibpayag bon kanu suporta a para sa rehistrasyun su Parish Pastoral Council on Responsible Voting kanu pagalaten nu kabpembated kanu masiken 500 a mga volunteers a pidtabang andu kanu ukit nu kagkapiya nu napangumbal a aktibidad. (HMYoshioka/PIA-12)