Maguindanaon news: Pinakamalandu a parke endo zipline, pabpatindagen sa Makilala, Cotabato

Thursday 5th of July 2012

KORONADAL CITY, South Cotabato, July 5 (PIA) -- Planu ni Mayor Rudy Caogdan na makatindeg su pinakamalandu a parke endo zipline kanu langun a bangsa, sa dalapa nu Makilala, Cotabato.

Kanu lakanin a State of the Municipality Address (SOMA) binales nin kanu opisina nu Sangguniang Bayan kanu Isnen, a Hulyo 2, pidtelu ni Caogdan sa isulong nin su kabpapatindeg nu National Highway Park kanu kalanduan nu National Highway ganat sa Barangay Old Bulatucan taman sa Saguing ataw ka ganat sa Poblacion taman sa Barangay Sinkatulan.

Tigin ni Caogdan, su lakanin a planu a kabpapatindeg kanu pinakamalandu a parke sa Pilipinas, na isa tigin a masla a oportunidad a para sa kapadsulong kanu turismo a sa dalapa nu Makilala.

Pagusalen kanu pruyikto, tigin ni Mayor Caogdan, su 30-m “road shoulder” andu pamulan kanu mga punongkahoy endo mga bulaklak ataw ka abpapatindeg sa mga stalls ataw ka pasalubong center a pabpapasa kanu balang-balang a prudukto nu dalapa.

Kanu ulian nu kangagan nu kabpangabpun nu nadtelu a pruyikto, sinumugo den sakanin sa Makilala Engineering Department sa makambitiyala su opisina nu Department of Public Works and Highways (DPWH) kanu Cotabato 1st Engineering District para sa kabpangumbaya kanu pila a mga requirements.

Inidsukulan bon ni Caogdan si Cotabato gubernador Emmylou Mendoza kanu lakanin a SOMA kanu tabang nin kanu ulian nu kabpangabpun saguna a lagun a kabpapatindeg kanu Zipline a sa barangay New Israel a kalandu nu 2.2 kilometro.

Kanu ulian nu tudtulan, tigin ni Caogdan su duwatiman a tourist attractions na makabated sa dalapa nu Makilala a maka-mapa kanu mga tourists destinations sa bangsa. (DED/HMYoshioka-PIA12)