Maguindanaon news : T’nalak South Cotabato idtatalus kanu kagkilala sa dunya

Friday 20th of July 2012

KORONADAL CITY, South Cotabato, July 20 (PIA) -- Kabpanganganayan a mas labi a makilala kanu dunya su prudukto nu T’nalak nu mga lumad sa T’boli sa South Cotabato kanu kabpadtuman a country branding ng Department of Science and Technology a kanu bala nu Industrial Technology Development Institute (ITDI).

Salangan kanu technology forum sa 13th T’nalak Festival kagay sa Gaisano Grand Mall Koronadal, inipailay sa publiko su elegante endo “world class” a pambatadan nu prudukto a T’nalak.

Pidtelu ni Aya Mulimbayan nu Packaging Technology Division nu ITDI-DOST ataw ka sakanin ban ento e min-desenyu kanu pakete para sa T’nalak, patiman a pruduckto kanu langun a bangsa e su ibpandidalem kanu country branding saguna a lagun. Galabaken kanu niya su kabpakilala kanu mga nadtelu a prudukto labi den kanu kaped a bangsa.

Kaped kanu patiman a prudukto su T’nalak, Kafe Balos nu Polomolok, mga bag endo ikam a inumbel ganat sa raffia palm, endo prudukto a bag ataw ka accessories.

Sabap sa mapiya endo elegante su pakete, ipadsala-sala nilan kanu kandisplay a sa mga airport, maytu bon sa mga expo endo trade fair sa ludep ataw ka sa liyu nu bangsa. Salata na bago pen engya a pakete ataw ka makapanganggat kanu mga turista kanu ulian nu kabpasa sabap sa tradisyunal a prudukto nu mga T’boli nu South Cotabato.

Su T’nalak box a kulay tsokolate na aden kalambeg nin a 20 ka pulgada endo mana kasabod nu magidsen a 5 ka pulgada. Mailay kanu sangulan nin su bulawan a “DREAMWEAVE” endo sulat a “The Traditional T’nalak of the T’boli.

Kanu ulian nu tudtulan, pagusalen su desenyu nu packaging box nu mga prudukto a T’nalak nu Kenhulung Handicraft Federation Inc., a nakabase sa Lake Sebu endo aden 450 a miyembro endo gugunayan a pedtabangan nu DOST 12. (HMYoshioka/PIA-12)