Maguindanaon news : Kabpamula kanu kawayan, pabpakaslan nu prubinsya nu Cotabato

Friday 20th of July 2012

KORONADAL CITY, South Cotabato, July 20 (PIA) – Pabpakaslan nu prubinsya nu Cotabato su prugrama nu kabpamula kanu kawayan a kapangunguna nila Cotabato Provincial Governor Emmylou Mendoza, Kabacan Mayor George Tan endo su University of South Mindanao President Jesus Derjie sa saguna ento na mirma sa isa a kasunduan ataw ka agreement.

Pantag kanu niya, inipayag ni Kabacan MENRO Officer Jerry Laoagan kanu minukit a Jummat sa napangumbal su nadtelu a prugrama sa USM Main Campus, Kabacan Cotabato.

Tigin, nakasaut kanu pito taman sa 10,000 a mga kawayan e nakaiskidyul a ipamula sa nadtelu a lugar. Inumanan pen nu opisyal, sa mangabpun su pakaragian ataw ka prugrama kanu unan nu padian a Agosto.

Su mga uni ataw ka binhi na ganat sa lokal a guberno nu prubinsya, su kabacan MENRO manem na manguna kanu prugrama ataw ka su mga pamamangagi manem nu USM e makapamula.

Galabaken kanu prugrama su niya sabap sa makabprutek kanu mga lawas nu ig nu kabacan kanu ulian nu katabang sa lalayun a kapadtubak nu lupa kanu ligid nu ig, sabapan bon enya kanu kagkadalem nu ig kanu dalapa ataw ka kanu masiken a mga dalapa nu niya. Mapiya su kabpamula sa kawayan siya sabap sa maka-alen kanu kabpadtubak nu lupa endo maka lipuas kanu kagkadalem nu ig. (HMYoshioka/PIA-12)