Hiligaynon news: Gobyerno nagatinguha nga makahatag sa mga negosyante sang barato, tayuyun nga kuryente

Saturday 7th of July 2012

MANILA Hulyo 7 (PIA6) -- Ang gobyerno nagatinguha nga mangin barato ang kuryente kag mapaseguro nga may bastante nga kuryente para sa benepisyo sang sektor sang negosyo, suno sa kay Presidente Benigno S. Aquino.

Ang Presidente nagsiling nga sila nagapati nga ang solusyon sa paghimo sa bili sang kuryente nga rasonable, amo nga dapat may kapasidad kita sa pagbutang sang base load nga mga planta. Ini ang aton primero nga ginatutukan.

Si Energy Secretary Rene Almendras nagpa-athag nga ang gobyerno padayun sa paghingyo sa base load generation nga pagpasanyug, sa pagpati nga ini amo ang llabe sa pagpanubo sang bili sang kuryente.

Si Almendras nagdugang nga ang base load nga mga planta amo ang pinakabarato nga ginakuhaan sang elektrisidad kag ang pungsod sa subong nagagamit sang none-base load nga mga planta ukon mas mahal nga nga fuel plants agud makatuga sang base load gani mas mahal ang kuryente.

Si Almendras nagsiling man nga ang problema sang gobyerno amo ang kabudlay sa pagpangita sang bastante nga manugpahunan nga gusto sang sini nga sahi sang mga planta.

Si Almendras nag-anunsyo man nga sila nagapirmahanay sang mga kontrata sa mas manubo nga generation charge kag may bag-o nga nagaduso sang coal-fired nga planta nga masugot sa P4.25 kada kilowatt.

Halin sa P5.35 tubtub P4.25, may P1.10 nga ginubo ang generation charge gani siling ni Almendras dapat pahanugutan naton nga mapatindog ang ini nga mga planta. Dapat seguraduhon naton nga ini nga mga planta makasulod kay ang bag-o nga mga planta mas maayo.

Ginpa-athag man ni Almendras nga ang Energy Regulatory Commission nag-aprobar sang para sa Manila Electric Co. para sa Luzon amo ang P5.35 kada kilowatt hour.

Si Almendras nagdagmit sang pagkinahanglan nga dapat ma reformat ang iban sang mga electric cooperatives bangud ang problema ini teknikal kundi politikal.

Samtang ang iban nga mga reportma sa sektor sang enerhiya indi popular sang madamu nga mga probinsya, si Almendars nagsiling nga padayunon ini ang pagsugod sang ini nga mga pagkambio agud maseguro nga ang mga distribution utilities, labi nagid ang mga cooperatiba sang kuryente mapaayo ang kalidad sang pagpanagtag sang kuryente. (as/JCM/PIA6)