Hiligaynon news: PNoy nagdamit sang pagkinahanglan nga kaayohon ang sistema koresyonal

Tuesday 10th of July 2012

MANILA, Hulyo 10 (PIA) -- Si Presidente Benigno S. Aquino III nagdamit sa ka-importansya nga paayohon ang sistema sa Pilipinas sa pagtatap sang iya mga bilanggo sa pagsiling nga ini responsibilidad sang tanan nga mga Pilipino sa pagpatigayon sang malawig nga pagkambio kag pagpaayo sang sistema koreksyonal sa pungsod.

Sa iya pagpamulong-pulong sa ika-21 nga anibersaryo sang Bureau of Jail Management and Penology nga ginhiwat sa Camp Crame sa siyudad sang Quezon sang Lunes, ang Presidente nagsiling nga tanan nga mga Pilipino ang dapat magbulig agud mapaseguro nga ang sistema koresyonal sarang makapabag-o sang kabuhi sang mga bilanggo nga nagapabilin sang bilannguan sa ila mga sala.

Nagsiling ang Presidente nga responsibilidad sang mga Pilipino nga indi lang pagbag-ohon ang sistema ng koreksyonal sa Pilipinas, kundi upod na diri ang pagtan-aw sa mga Pilipino nga ara sa sulod sang bilangguan.

Nagsiling ang Presidente nga sa sulod sang duha ka tuig sang iya administrasyon, ang pagkaayo sang pagtatap sang BJMP sa mga bilanggo paagi sa pagpaayo sang imprastraktura kag kagamitan sang ahensya amo ang una sa listahan sang iya mga prayoridad.

Ang mga ginkaayo nagasakup sang: pagpatindong sang dugang nga 47 ka mga bilangguan nga ginatiniran ang 69,735 ka mga bilanggo sa bilog nga pungsod kag ang computerization sang mga dokumento sang bilangguan sa idalum sang National Inmates Monitoring System (NIMS).

Sa sini nga paagi, madali kag mas epektibo ang pagtultul sang mga kaso, kung ano ka laba ang sentensya kag impormasyon nahanungod sa mga bilanggo.

Dugang sang Presidente nga may P500 milyones ang napain agud magpatindog sang 2000 ka mga balay para sa mga tinawo sang BJMP kag sang Bureau of Fire Protection samtang ang mga retirado nga mga empleyado sarang makakuha sang ila mga pensyon paagi sa ila mga deposito sa bangko sa ATMs (automated teller machines).

Nagpanawagan man ang Presidente sa BJMP sa pag-upod sa mga pagtinguha sang gobyerno nga madula ang burukrasya sang korapsyon paagi sa nakalain lain nga mga reporma nga gina-implementar kag mangin instrumento sa pagbag-o.

Nagsilinig man ang Presidente nga may gobyerno na sila nga nagatatap sa iya. Dugang niya nga tipigan ang maayo nga bunga sa mga reporma, sikwayon ang panghuna-huna nga wang-wang kag maging instrumento sa pagbag-o.Dapat pabaskugon man naton ang aton pagbayanihan padulong sa pungsod nga hilway kag mainuswagon. (rck/JCM/PCOO-PIA6)