Hiligaynon news: 68 ka mga Capiceños nakapasar sa pasinawan sang Civil Service

SYUDAD SANG ROXAS, Capiz (PIA6) -- Kapin sa 68 ka mga Capiceño ang nakapasar sa ginhiwat nga pasinawan sang Civil Service Commission sang nagligad nga Mayo 27.

Ginpahayag ni Capiz CSC Director Attorney Maria Lina Gonzaga nga 14 sa mga nakapasar ang sa bahin sang Subprofessional nga lebel kag 58 naman ang nakapasar sa professional nga lebel.

Ang nasambit nga Carrer Service Paper and Pencil Test ang ginhiwat sa Capiz National High School, sa diin, kapin sa 1,649 ka mga Capiceño ang nagkuha sini.

Suno man kay Gonzaga nga ang listahan sang mga nakapasar ang sarang makita pinaagi sa www.csc.gov.ph samtang sa luyag mag verify sang resulta para sa mga wala nakapasar, mahimo man sila makakuha sang ila report of rating online pinaagi sa pag encode sang ila examination numbers.

Ginpahayag man niya nga nagsugod naman sila sa pagbaton sang mga application para sa masunod nga pasinawan sang CSC nga natalana sa Oktubre 21 sa Syudad sang Iloilo.

Suno pa kay Gonzaga nga ang deadline sa pagbaton sang mga application sang ila talatapan ang tubtob lamang sa Septyembre 6, apang mahimo nga indi na sila magbaton pa sang aplikasyon bisan pa antes ang amo nga petsa kon malab-ot na nila ang ila target nga numero para sa magakuha sang nasambit nga pasinawan. (JSC/JBG-PIA 6, Capiz)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines