Waray news: Gin-estimar ni Pangulo Aquino an tigawas na nga embahador han Denmark nganhi ha Pilipinas

By Daniel U. Mausisa

Friday 15th of June 2012

MANILA, Hunyo 15 (PIA) –- Pormal nga nanamilit kan Pangulo Benigno S. Aquino III ha Malacañang kakulop an tigawas na nga embahador han Denmark ngadto ha Malaysia ngan nganhi ha Pilipinas Svend Waever.

Nagin embahador han Denmark ngadto ha Malaysia ngan nganhi ha Pilipinas hi Waever hadton Septiembre 2008 kataliwan han iya torno ha Nicosia, Cyprus.

Lakip han mahinungdanon nga nahibulig han gobyerno han Denmark ha Pilipinas an pagpahamtang hin mga hinabang ngadto han mga biktima han Bagyo Sendong hadton Disyembre han nakalabay nga tuig. Nahingadto hi Waever ha Cagayan de Oro City ngan han mga lugar nga napurohan han mao nga bagyo agud pannginano-on an relief operations.

Dida han mao nga panahon, nagsaad an gobyerno han Denmark pagdonar hin DKK 300,000 (mga P2.68 milyon) agud mapagarugaan ha gilayon an kakuri-an hin maabot 1,500 nga ginpunteriya nga mga pamilya nga lakip han ginatos-gatos ka yukot nga mga biktima han Bagyo Sendong ha Mindanao.

Presente gihapon dida han pormal nga panamilit ni Waever hi Foreign Affairs Secretary Albert del Rosario. (Ginbinisaya ni DUM-PIA 8, Eastern Samar/PCOO)