SYUDAD SANG ILOILO (PIA) – Magatapos na ang 144,046 ka mga panimalay sa rehiyon sa Pantawid Pamilyang Pilipino Program (4Ps) sa 2026 suno sa Department of Social Welfare and Development (DSWD) Western Visayas.
Nasandig sa Republic Act No. 11310 ukon ang Pantawid Pamilyang Pilipino Program (4Ps) Act, nga isa ka national poverty reduction nga programa kon sa diin nagahatag sang conditional cash transfers sa mga kubos nga mga panimalay, nga ang mga benepisyaryo ginahatagan lang sang pito ka tuig nga pagtinir sa programa.
“Since we have the official implementation of the program in 2019, we are expecting that by 2026, the first batch of seven-year residency in the program will exit from the 4Ps. We are still working, and our appeal is that we need to pay attention and focus on these households,” siling ni 4Ps division chief Belen P. Gebusion sa ginpatigayon nga Regional Convergence Committee (RCC) first quarter meeting.
Ang detalye sa estado sang mga target nga mga panimalay nga maga-gwa na sa programa para sa sunod nga tuig base sa pinakaulihi nga assessment sang DSWD nagapakita nga 39 ka mga panimalay ang yara sa Level 1; 109,199 ang sa Level 2; 23,623 sa may Level 3; samtang 227 ang wala sang natala nga pinakaulihi nga Social Welfare and Development Indicator (SWDI).
Suno kay Gebusion, ang mga magatapos nga mga panimalay nagaserbe nga primero nga indikasyon sang impact sang programa.
Tubtob Marso 31, 2025, may yara na 74,795 ka mga panimalay nga opisyal nga nagtapos ukon nag-exit gikan sa programa.
“To clarify, of the number, the graduated or the 30,858 are the households that achieved the self-sufficient level of well-being. They are now capable in terms of providing or responding to their daily needs, but still, they are vulnerable if there are shocks,” pagpaathag ni Gebusion.
Iya man nga ginklaro nga ang 43,937 ka naggwa nga mga panimalay nagatumod sa mga gindeactivate sa programa paagi sa “natural attrition” ukon wala na sang may kwalipikado nga mga kabataan bangud isa sa mga kondisyon sang programa amo ang dapat may yara 0-18 ka tuig nga mga kabataan kag may nagabusong nga miyembro sang panimalay.
“Our interest of course, is for these 4Ps households to graduate from our program rather than ma-exit sila due to natural attrition or wala na sang eligible nga bata for monitoring,” iya pahayag.
Base man sa polisa sang DSWD, kon mahibal-an nga “self-sufficient” na ang panimalay, sila pagahatagan sang anum ka bulan para sa transition period agud ipreparar sila kag igaturnonver sa mga lokal nga panguluhan para sa after-care. (AAL/AGP/PIA 6)
