DAVAO CITY (PIA)- – Anaa sa 500 ka mga indibidwal ang gilauman nga muapil sa pinaka-unang Digital Careers ug ITBPM Expo 2024 nga ipahigayon sa Mapúa Malayan Colleges Mindanao (MCM) sa October 25, 2024.
Lakip nga imbitahan ang mga mag-tutungha sa junior ug senior high, kolehiyo, ug mga bag-ong nilampos, mga batang propesyonal, ug mga nangita ug trabaho ug oportunidad sa industriya sa information technology and business process management (IT-BPM).
Matud pa ni Department of Information and Communication Technology (DICT) XI Information Technology officer Engr. Albert Gabriel, atol sa gipahogayon nga Kapehan sa Dabaw, daghang trabaho ang naghulat sa industriya sa IT-BPM apil na ang mga akademya.
Dugang pa ni Gabriel nga suportado sa DICT ang industriya sa IT-BPM aron mahatagan kini ug higayon nga molambo ilabina sa mga nagakuha og korsong IT sa tibook rehiyon sa Davao.(etisidro)
