SYUDAD SANG ILOILO (PIA) — Ginkilala sang 3rd Infantry Division sang Philippine Army ang dako nga kontribusyon sang sektor sang transportasyon sa kalinong kag kauswagan sang rehiyon sa ginpatigayon nga pinakauna nga Western Visayas Transport Summit sa Mandurriao, Iloilo City sang Nobyembre 15.
Ginpangunahan ang transport summit sang Western Visayas Alliance of Transport Cooperatives and Corporations, Inc. (WVATCCI), paagi sa presidente sini nga si Rizalito Alido.
Ginpalig-on ni Alido ang tanan nga mga myembro sang transport group nga magpadayon kag iya ginpat-od nga ti-on na agud ibutang na ang Public Transport Modernization Program sa layi.
Bilang suporta sa programa, naghatag man sang mensahe si 3ID Commander Major General Marion R. Sison, paagi kay Assistant Division Commander for Retirees and Reservist Affairs Colonel Lennon Babilonia. Iya ginkilala ang importante nga papel sang sektor sang transportasyon sa komunidad.
“Our transport systems are more than just practical necessities; they serve as instruments that connect segments of society, facilitating the flow of people, goods, and ideas. Public transportation supports local economies, enables access to vital services, and nurtures community by keeping people from all walks of life together. It is a driving force for social and economic inclusion, creating opportunities and fostering well-being for all,” siling ni Sison.
Iya man gindayaw ang kabakuron sang sektor sang transportasyon batok sa mga communist terrorist groups nga ginahingalitan ang mga isyu agud magpaakig sang mga driver.
“We are happy that the transport group, through the Land Transportation Franchising and Regulatory Board (LTFRB) and Land Transportation Office (LTO), has become agents of peace, rejecting any attempts by terrorist-allied groups to malign your organization’s integrity and denying their plan to squeeze your purse to fund terrorism activities. Saludo po ako sa tapang niyo na labanan ang mga grupong mapagsamantala,” dugang pa niya.
Ginpasiguro man sang 3ID Commander ang mga opisyales kag myembro sang WVATCCI nga kaupod nila ang Army sa proseso sang transpormasyon. Iya mang ginpat-od nga naga-obra ang ila talatapan kaupod ang mga lokal nga awtoridad para sa pagsiguro sang kaluwasan sa dalan, pagtipig sang kalinong, kag pagprotekta sang mga importante nga imprastraktura, bangud ila nahibal-an nga ang luwas nga palibot amo ang pundasyon sang epektibo nga public transport system.
“May this summit inspire productive discussions and stronger partnerships to a safe, efficient, and proudly Filipino public transportation system in Western Visayas,” ang iya katapusan nga mensahe.
Suportado man ang transport summit sang mga lokal nga pangulohan sang syudad kag probinsya sang Iloilo, Department of Transportation kag mga sangay sini nga LTO kag LTFRB, Liga ng Transportasyon at Operators ng Pilipinas, kag Technical Education and Skills Development Authority. (AAL/AGP/PIA 6)
