ILIGAN CITY (PIA) – – Misalmot ang kapin 400 ka mga solo parent dinhi usa ka forum bahin sa Republic Act (RA) 11861 kon Expanded Solo Parents Welfare Act.
Gipanguluhan kini ni Sen. Risa Hontiveros, ang principal author sa maong balaod kauban ang Gender and Development Committee sa senado.
Tumong niini nga mapasabot ang mga solo parent kabahin sa implementasyon sa balaod.
Kumpiyansa si Hontiveros sa pagpaningkamot sa ciity government sa paggamit sa ilang mandato ug sa pag-follow-up sa mga national government agencies sa pag-implementa sa balaod.
“On my part, padayon naman ang pagfollow up sa mga relevant departments tungkol sa full and proper implementation ng balaod,” sumala niya.
Ang city government, City Social Welfare and Development Office, Gender and Development (GAD) Office, ug ang opisina ni Committee Chairperson on Women, ug GAD Councilor Rosevi Queenie Belmonte, nnaningkamot aron makasiguro nga ma-implementar og maayo ang ang balaod.
Gibutyag ni Belmonte nga importante ang budget sa GAD para makahtag og suporta ngadto sa mga solo parent. Sumala niya, magpropose sya og ordinansa ug i-lobby sa mayor aron mag-allocate og budget alang sa GAD aron makahatag og tabang sa kapin 8,000 ka mga solo parent sa syudad.
Samtang, mapasalamaton si Penchy Mae Reyes, usa ka residente sa Barangay Buruun, sa gipahigayon nga forum nga naghatag niya og kahibalo kabahin sa mga benepisyo ug mga katungod sa mga solo parent pinaagi sa expanded law. Nawad-an siya og bana nga usa ka private driver tungod sa usa ka aksidente niadtong 2020 ug gaasa lamang sa iyang pension sa pagbuhi sa ilang tulo ka mga anak.
“Nakatabang sya ug nakadungag og kahibalo nga daghan diay benepisyo sa usa ka single mom nga karong tuiga makamit namo,” sumala niya.
Ang RA 11861, nga nag-amendar sa RA 8972 o nailhan usab nga Solo Parents Welfare Act of 2000, naghatag og dugang mga benepisyo ngadto sa mga solo parent sama sa ang usa ka bulanong cash subsidy nga P1,000 alang sa mga makakita og minimum wage o mas gamay pa.
Gawas pa niini, ang mga solo parent nga mas baba sa P250,000 matag tuig ang kitaon, makakuha og 10% nga diskwento ug exempted sila gikan sa value-added tax sa mga kinahanglanon nga butang sama sa gatas sa bata, pagkaon, mga micronutrient supplement, sanitary diapers, tambal, bakuna, ug uban pang mga medikal nga tambal alang sa ilang mga anak gikan sa ilang pagkatawo hangtud sa unom ka tuig nga edad.
Furthermore, this law automatically includes single parents in PhilHealth’s National Health Insurance Program with the government covering the premium contributions. Moreover, it prioritizes solo parents, particularly mothers, and their children for apprenticeships, scholarships, livelihood training, and various poverty alleviation programs, as well as offers opportunities for low-cost housing.
Dugang niini, pinaagi sa maong balaod, automatiko nga apil ang mga solo parent sa National Health Insurance Program sa PhilHealth nga ginacover sa gobyerno. Prayoridad sab ang mga solo parent, labi na ang mga inahan, ug ilang mga anak alang sa mga apprenticeships, scholarships, livelihood training, ug mga programa sa pagwagtang sa kapobrehon ug mga oportunidad alang sa low-cost nga pabalay. (LELA/PIA-10/Lanao del Norte)
