DUMAGUETE CITY, Negros Oriental (PIA) – Mokabat sa 52 ka tawo ang gipang- “hired on the spot”(HOTS) sa ilang mga bag-ong employer atol sa gipahigayong job fair ug World Café of Opportunities event sa Technical Education and Skills Development Authority (TESDA) dinhi sa dakbayan.
Matod ni TESDA provincial director Joel Villagracia, mao kini ang paagi sa ilang buhatan para matabangan ang mga TESDA graduate nga makapangita og panginabuhi.
“We have about 800 vacancies locally, sa local industry nato, nag-recruit sila sa mga different positions with participating companies,” matod ni Villagracia.
Usa sa mga na “hired on the spot” sa TESDA Job Fair si Jan Blake Columna mipadayag sa ilyang kalipay sa iyang pagkahire.
“It’s my first job and na-hire on the spot. Naa may opportunity, so I took it. I feel great. It’s great that it gives a lot of people the opportunity to take a job and start early like I do,” matod ni Columna.
Adunay napulo ug lima ka kompanya nga miapil sa job fair.
Usa sa nitambong ang TESDA graduate na si Rodrigo Tuay na taga Barangay Balugo, Dumaguete City.
“Makatabang ni siya dako sa atong livelihood. Sa pagpanarbaho magamit nilang kung unsay ilang qualification nga nakuha. Makatabang mani sa Pilipinas, para ma improve atong livelihood sa atong kaugmaon,” matod ni Tuay.
Gawas sa job fair, nagpakita sab og skills demonstration ang mga tinunan sa TESDA og aduna pod enrollment sa technical-vocational education and training (TVET) institutions sa gitawag na World Café of Opportunities.
Nanghinaot na ang TESDA na pinaagi niini maengganyo pa ang mga kompanya na mo-hire og mga tech-voc graduates og mahatagan sila og maayong employment opportunity. (RAL/PIA7-Negros Oriental kauban si April Villagonzalo, SU intern)
