SYUDAD SANG ILOILO (PIA) – Kapin 53 ka mga empleyado halin sa nasyonal nga mga ahensya sang gobyerno, Government Owned and Controlled Corporations (GOCCs), Government Financial Institutions (GFIs), kag State Universities and Colleges (SUCs) sa Kabisayaan Nakatungdan ang nagpasakop sa 2nd General Assembly sang Association of Regional Information Officers in Western Visayas (ARIO-WV Inc.) kag Crisis Communication lecture sang Agosto 9.
Nagserbe nga resource speaker si Deputy Director-General Adolfo Ares P. Gutierrez sang Philippine Information Agency sa nasambit nga pagtililipon.
“In case of a crisis, it is important to know how to communicate…That is why it is important that our agencies have crisis communication plans in place,” suno kay Gutierrez.
Dugang pa sini, mas maayo nga ang magagmay nga insidente indi na magpadulong sa krisis kag kinahanglan nga ang information officers yara pirme sa ibabaw sang information cycle bilang source sang egsakto nga impormasyon, kag mag-obserbar sang empathy kag accountability.
Subong man, ang mga information officers ginpahibalo man sang kritikal nga papel sa pag-upod sang climate kag weather data sa pagpanguma kag pagpangisda para mas pabaskugon kag mas padamuon ang ila produkto apisar sa pagkambyo sang klima.
Kaangot sini, gintalakay ni Chrystal Jane Almendralejo nga Project Development Officer I sang Department of Agriculture Western Visayas (DA-WV) ang climate and weather-informed farming and fishing advisories, sa tinutuyo nga mas pasangkaron ang partnership sa pagpalapnag sang impormasyon tuhoy sa mga climate challenges sa rehiyon.
Ginpresentar man kag nagsumpa ang bag-o nga mga opisyales sang asosasyon kaupod ang ila Board of Directors (BOD) kay PIA Regional Head Cheryl B. Amor.
“We are working in one government and we are working for one people and that is the Filipino people, though we are serving in different ways. Here, this is the time to open up information with each other. This association is composed of information officers who work closely together, sometimes in certain programs and projects,” siling ni ARIO-WV Inc. President John P. Mandario sa iya mensahe. (AAL/AGP/PIA 6)
