INITAO, Misamis Oriental (PIA)–Gidagsa sa libo-libong katawhan ang Initao National Comprehensive High School covered court sa dihang gipahigayon ang LGU Night duyog sa ika-6th Lantawanan Festival.
Mipakitang–gilas ang mga empleyado sa lokal nga kagamhanan sa Initao sa ilang Dance Presentation.
Dunay siyam ka mga presenters nga gilangkuban sa matag opisina.
Mirampa usab ang katorse (14) ka mga kandidata sa Miss Tourism Initao ug kinse (15) ka mga kandidato sa Man of Lantawanan diin opisyal usab silang gisab-itan sa ilang mga sash.
Ang Lantawanan Festival sa lungsod sa Initao usa ka selebrasyon sa kultura ug turismo nga nagpasidungog sa kabilin sa lungsod atol sa kapistahan sa patron. Ang festival naglakip sa makalingaw nga mga kalihokan sama sa cultural presentation ug mga aktibidad sa komunidad nga nagpakita sa local identity ug tradisyon sa Initao. Kini usab naghatag og pagpasidungog sa paningkamot sa lungsod sa pagpalambo sa natural nga katahom ug potensyal sa turismo niini.
Gitapos ang maong kalihokan pinaagi sa Fireworks Display.
Misaksi sila si Initao Mayor Mercy Grace Acain, Initao Municipal Administrator Leonides Baluran, Initao Tourism Committee Chair Louie Jay Ban Jarales, ug mga Sangguniang Bayan sa Initao.
Ang 6th Lantawanan Festival–LGU Night gipahigayon ubos sa tema nga OPM Hits: Celebrating the Filipino Talents. (Provincial Information Office/PIA-10/Misamis Oriental)
