GINGOOG CITY, Misamis Oriental (PIA) — Opisyal na nga sugdan ang pagpatukod sa access road sa Sitio Mangilit, Barangay Bal-ason, ning syudad, pinaagi si gipahigayon nga groundbreaking ceremony nga gipangunahan ni City Mayor Erick G. Cañosa.
Uban sa mayor sa maong okasyon si Department of the Interior and Local Government (DILG)-10 Assistant Regional Director Yvette Tolentino-Sunga, Department of Trade and Industry (DTI) Provincial Director Jesusa Abear, ug City Local Government Operations Officer Rey Gilbert Capricho.
Matod pa ni Abear nga ang maong groundbreaking ceremony usa ka espesyal nga okasyon isip usa ka dakong kalampusan sa maong proyekto.
“Ang DTI magpadayon og suporta. This project is a significant step toward improving market access for our farmers, allowing them to transport their produce more efficiently, reduce post-harvest losses, and enhance their income opportunities,” matud ni Abear.
Gipamatduan sa DTI ang ilang padayon nga pagsuporta ngadto sa mga farmer-beneficiaries paagi sa nagkalain-laing mga programa ug aktibidad susama sa capacity development, enterprise development, financing support, ug matching grant.
“By strengthening the agricultural value chain, we are fostering rural economic growth and ensuring a more sustainable livelihood for smallholder farmers in Gingoog City,” dugang ni Abear.
(Sa pagpakusog sa agricultural value chain, atong gi-amuma ang paglambo sa ekonomiya ug gisiguro ang mas malungtaron nga panginabuhian alang sa mga gagmay’ng maguuma sa Gingoog City.)
Ang P26 million nga rarm-to-market road gipatuman ubos sa Rural Agro-enterprise Partnership for Inclusive Development and Growth (RAPID Growth) Project, usa ka programa nga naghatag og dakong oportunidad sa mga mag-uuma aron mapadali ang pagdala sa ilang mga produkto ngadto sa mga konsumante agi’g lakang sa pagpauswag sa panginabuhian ug ekonomiya.
Gipadayag ni Cañosa ang dakong pagpasalamat sa kasamtangang administrasyon nga napili ang dakbayan isip benepisyaryo sa maong proyekto. Dugang pa, gipaabot niya ang suporta sa lokal nga pangagamhanan hilabi na sa paglantaw sa panginahanglanon sa sektor sa agrikultura.
(Gingoog CIO/PIA-10/Misamis Oriental)
