SYUDAD SANG ILOILO (PIA) — Ginhatagan ang bag-o lang gwa nga persons deprived of liberty (PDLs) sang livelihood inputs para sa rice retailing nga mga proyekto sang Department of Labor and Employment (DOLE) 6.
Ini ginalantaw nga makabulig sa pagtukod sa liwat sang ila kabuhi kag pagpanumbalik sa komunidad.
Paagi sa ginhingyo nga bulig sang Bureau of Jail Management and Penology (BJMP) para sa mga anay PDLs, ginmanduan ni DOLE 6 Regional Director lawyer Sixto Popoy Rodriguez, Jr. ang Iloilo Field Office nga pangunahan ang pagpanagtag sang livelihood projects sa ila para manumbalik ang ila pagtuo kag kumpyansa sa kaugalingon.
“This is social justice- giving more to those who have less and those who are in need,” siling ni Rodriguez.
Iya man ginhatagan pagtamod nga ang palangabuhian isa ka epektibo nga pamaagi para pamatukan ang kaimulon.
“Poverty is the evil of society that pushes children to engage in child labor and has been the cause of social injustices and criminalities,” dugang pa sini.
Ang mga ginpanghatag nga proyekto nakabenepisyo sa isa ka ginhatagan sang parole sang Parole and Probation Administration (PPA) kag tatlo ka anay PDLs nga nakaserbe na sang ila pinakamataas nga sentensya, isa gikan sa Bureau of Corrections, kag duha halin sa BJMP dormitories.
“The assistance is part of the BJMP’s PDLs After-Care Program. Under the guidance of BJMP 6 Regional Director Jail Chief Supt. Simeon S. Dolojo, Jr., we are collaborating with DOLE and other agencies to help the PDLs for their livelihood and other assistance available,” pagpa-athag ni Jail Officer III Gretchen J. Demisana sa ginhiwat nga pagpanagtag sang livelihood inputs. (AAL/AGP/PIA 6 kalakip ang mga balita gikan sa DOLE 6)
