SYUDAD SANG ILOILO (PIA) — Ginmadu-an sang Malacañang ang tanan nga mga ahensya sang gobyerno kaupod ang government-owned or -controlled corporations (GOCCs) kag pang-akademya nga mga institusyon nga mangin kabahin ang pagsambit sang Bagong Pilipinas Hymn kag Panumpa sa ginahiwat nga flag ceremony kada semana.
Tinutuyo sang ini nga lihok nga mapatudok ang prinsipyo sang Bagong Pilipinas sa mga kawani sang gobyerno, suno sa Malacañang.
“For this purpose, the heads of all national government agencies and instrumentalities shall ensure that the Bagong Pilipinas Hymn and Pledge, which are annexed to this Circular, are properly disseminated within their respective institutions and offices,” santo sa is aka memorandum nga gin-isyu sang Hunyo 4 nga ginlagdaan ni Executive Secretary Lucas Bersamin.
“The Presidential Communications Office is hereby directed to implement effective measures to communicate and disseminate the Bagong Pilipinas Hymn and Pledge to all government offices and the public,” dugang pa.
Madumduman nga ginlunsar sang administrasyon ni Presidente Ferdinand Marcos, Jr. ang Bagong Pilipinas bilang marka sang panguluhan kag pamuno, kasubong man sa pagdirekta sa mga ahensya sang gobyerno, GOCCs kag state universities and colleges (SUCs) nga paga-giyahan sa prinsipyo sang Bagong Pilipinas.
Ang Bagong Pilipinas nagalaragway sang maprinsipyo, may salabton kag masaligan nga gobyerno nga ginpabaskog sang nagahiusa nga mga sektor sang sosyodad.
Ginapanan-aw man sini ang pagpabaskog sa mga Pilipino tuhoy sa pagsuporta kag pagpakigbahin sa mga hilikuton sang gobyerno padulong sa social kag economic nga transpormasyon sa tanan nga bahin sang sektor kag gobyerno.
Suno sa Seksion 18 sang Republic Act (RA) No. 8491 ukon “Flag and Heraldic Code of the Philippines”, ini ang nagamando sa tanan nga mga talatapan sang gobyerno kaupod ang mga local government units (LGUs), sa paghiwat sang flag raising ceremony kada Lunes sang aga kag flag lowering ceremony kada Biyernes sang hapon. (AAL/LMLE/PIA Iloilo/PND)
