TAGBILARAN CITY, Bohol (PIA) — Nasakmit sa Garcia Hernandez pinaagi ni Carl Joellie Tentativa and Best in Costume sa gipahigayon nga Boholana Iconic Design Competition nga gihimo didto sa Jagna Cultural Center, Hulyo 7.
Suot ang gown nga mugna sa Bol-anon nga fashion designer nga si Charlow Arbasto nga gitawag niya og Bahandi sa Sinugboan, ang gown nga bulok anapog, migamit sa mga elemento sama sa limestone, mga hagdan-hagdan nga quarry, conveyor line sa quarry materials ug simbahan ni San juan Bautista lakip na ang mga kabasakan sa lungsod u gang mga tikling nga nanuhotsuhot dinhi.
Tungod niini, 1st runner-up ang kulay rosas nga gown nga gisuot ni Flavina Caña Juaquin nga gitawag og Los Mejores de Tagbilaran, nga hinimo gikan sa mga recycled nga mga mga plastic, samtang 2nd runner-up ang gown nga Jagnsa sa Bag-ong Hugna.
Gisuot ni Elah Merari Lagrido, ang Jagna sa Bag-ong Hugna, usa ka gown nga migamit sa natural nga bolok sa Camalay ug napuno sa gagkot nga pagkaon nga anaa sa bagol nga iya una nga gipa-uso sa Jagna.
Didto sa Boholana Iconic Design Competition, gipasabut sa mga creative fashion designers ang mga materyales nga ilang gipanggamit sa ilang mga designs nga gipasuot sa mga kandidata sa mga kalungsuran nga mingsalmot sa 2024 Miss Boholana, Year III.
Ang pagpasabut, gipaagi sa paghulagway usab sa mga Bol-anong letratista ug videographers, nga mag-indigay usab sa labing piskay nga presentasyon.
Tungod niini, mingdaug usab sa Best in Photography ang naghulagway ni Earlgen Abedejos Bucog, kinsa nagsul-ob sa biste sa Birhen sa Guadalupe Extremadura nga ang gawn may desinyo nga gikuha sa mga element sa arte nga makit-an sa simbahan sa Loboc.
Sa videography, mingdaug usab ang nagkuha sa video sa Garcia Hernandez nga nagpakita sa mga elemento nga gipalama usab sa gown nga gisuot sa ilang kandidata.
Ang Miss Bohol nagtinguhan usab nga ang mga kalungsuran makapaduso sa ilang mga nag-una nga produkto nga turismo, ma nga ang makadaug sa Best in Iconic Design ilabi na sa minggamit sa ilang mga tourism sites sa desinyo sa ilang mga gowns nga gipang-suot, makakuha nag 10 porsyento nga pundo alang sa Miss Bohol Pageant nga himoon karong Biyernes didto sa Bohol Wisdom Gymnasium. (RAHC/PIA Bohol)
