BALINGASAG, MISAMIS ORIENTAL (PIA) — Gipangunahan sa alkalde sa Balingasag nga si Mayor Alexis S. Quiño ang blessing ug inugurasyon sa Balay Silangan adtong Nobyembre 21. Ang maong center sa Balingasag gipatukod aron mahimong rehabilitation venue sa mga indibidwal nga nahilambigit niadto sa droga.
Sa iyahang pahayag sa opening program, gipadayag ni Mayor Quiño nga ang pagsulbad sa problema sa droga gapadayon tungod kay kini dili lang problema sa lungsod sa Balingasag, kun dili usa usab ka global concern. Pero siya nanghinaot nga sa ulahi, makita sa tanan ang maayong resulta sa programa sa Balay Silangan.
Giaghat usab sa mayor ang mga opisyales ug mga empleyado nga mangalagad sa Balay Silangan nga mag-focus kay daghan pa problema nga angay sulbaron. (PIA-10/IJBD)
