TACLOBAN CITY (PIA) — Sobra 4,000 nga low-income earners ha Eastern Visayas an pwede makatagamtam han Pambansang Pabahay Para sa Pilipino Housing o 4PH program han gobyerno.
Ha ginbuhat nga Kapihan sa Bagong Pilipinas dida han Martes, iginsumat ni Department of Human Settlements and Urban Development (DHSUD) Regional Director Michael Victor Tezon nga an 4PH program in may panuyo ma-solbar an problema ha pabahay ha nasud.
Dinhe ha Eastern Visayas, naka-linya na an mga proyekto ha Ormoc City; MacArthur ngan Mahaplag, Leyte; Catbalogan City, Samar; ngan Guiuan, Eastern Samar.
Iginpahayag pa ni Director Tezon nga an 4PH program in ginpondohan han private housing developer pero supervised han DHSUD.
Para makatagamtam hine nga proyekto, an beneficiary in kinahanglan first-time home buyer ngan miyembro han Pag-IBIG ha sakob hin duha ka tuig, may-ada supesyente nga kinada-bulan nga income, waray utang ha Pag-IBIG, ngan diri masobra 70 anyos an edad ugsa matapos an loan maturity.
Iginpahayag pa ni Director Tezon nga mas barubarato an P3,000 monthly amortization para ma-angkon an housing unit.
Ine in mas barubarato kun magrerenta hin balay ngan kun makuha ha private housing developers. (RLA, PIA Eastern Visayas)
