SYUDAD SANG ILOILO (PIA) — Nagapanawagan ang hepe sang Bureau of Fisheries and Aquatic Resources (BFAR) 6 nga si Regional Director Remia A. Aparri nga magbinuligay sa pagkonserbar sang isda sa ti-on sang ika-61 nga selebrasyon sang anibersaryo sang Fish Conservation.
Nakasentro sa tema nga “Sama-sama Tungo sa Maunlad at Likas-kayang Pangisdaan sa Bagong Pilipinas,” ginaduso sang kahiwatan ang “unified approach” para ma siguro ang “sustainable marine environment.”
“Our theme highlights the importance of collective action in protecting our marine resources. By working together—fisherfolk, policymakers, and youth—we can achieve a future of sustainable fisheries aligned with our vision for a Bagong Pilipinas,” siling ni Aparri.
“Our path forward is clear. We must continue to strengthen our enforcement against illegal, unreported, and unregulated (IUU) fishing while promoting the use of legal, sustainable fishing gears and practices,” dugang pa niya.
Ginbuksan sang BFAR ang bug-os nga semana nga selebrasyon sang Setyembre 16.
Suno sa BFAR, ginahatagan importansya sang aktibidad ang padayon nga dedikasyon sang rehiyon padulong sa sustainable fisheries kag marine resource protection.
Isa sa mga nangin highlights sang selebrasyon amo ang pagkilala sa tatlo ka aktibo nga mga Fisheries Law Enforcement (FLE) partner sang BFAR 6 nga amo ang Sipalay City Bantay Dagat, Iloilo Provincial Bantay Dagat, kag Capiz Provincial Bantay Dagat.
Samtang ginpalab-ot ni Lyndofer V. Beup sang Capiz Provincial Bantay Dagat, sa iya mensahe bilang tiglawas sang kabug-osan sang fisherfolk community, ang sentimyento sang komunidad nga mas kinahanglan sang mga mangingisda kag ila mga himata ang nagakaigo nga pagbantay sang otoridad sa kadagatan sang sa mga delata kag bugas nga temporaryo lang makabulig sa ila tagsa ka adlaw nga kinahanglanon.
Sa iya nga bahin, ginpahayag man ni Edsel Toledo nga isa ka Agricultural Technician halin sa Sipalay ang importansya kag balor sang ginhatag nga pagkilala.
“The plaque is just a plaque. But if seen by our members, it will boost their morale and increase their strength,” suno kay Toledo.
Nangin dinapit nga bisita sa okasyon si Police Brig. Gen. Archival D. Macala nga nag-representar kay Police Regional Office 6 Regional Director PBGen. Jack L. Wanky kon sa diin iya ginhatagan pagtalupangod ang mga ginabuhat sang BFAR kag iban pa nga stakeholders batok sa illegal fishing.
Gindugang pa niya nga malapit P2.3 ka milyon nga balor sang isda ang ginkumpiskar pamaagi sa 844 operations sang nagligad nga tuig kag masobra P2 ka milyon naman nga balor sang isda ang nakumpiskar sa ginbuhat nga 739 na ka mga operasyon karon nga tuig.
“We are all called to lift a finger to protect and become better stewards of our municipal waters, seas, and oceans for our good and for the well-being of future generations,” suno sa mensahe ni PBGen. Wanky nga ginbasa para sa iya ni BGen. Macala.
Bilang kabahin sang isa ka semana nga selebrasyon, may ara serye sang aktibidades sa nagkalain-lain nga probinsya sang rehiyon para mas matib-ong ang konserbasyon ka isda kag sustainable practices sa pagpangisda. (AAL/AGP/PIA 6 with reports from BFAR)
