SYUDAD SANG ILOILO (PIA) – Ginsuguran na sang Bureau of Internal Revenue (BIR) ang Regional Tax Campaign sang Pebrero 21, nga nagapahanumdom sa mga taxpayers nga tumanon ang ila mga obligasyon sa buhis.
Ginpangunahan sang BIR Revenue Region No. 11- Iloilo City sa Iloilo Convention Center, ang kahiwatan nga may tema nga “Buwis na Tapat, Tagumpay Nating Lahat,” nagatuyo nga hatagan pagtamod ang kaupod nga responsibilidad sang taxpayers paagi sa maukod nga pagbayad sang buhis, pagpangabudlay, kag kahandaan sa pag-amot sa pungsodnon nga pag-uswag lakip na ang dedikasyon sang BIR nga magdul-ong sang matinahuron nga serbisyo sa tagsa ka Pilipino.
Ginpunto ni BIR Commissioner Romeo D. Lumagui Jr. ang mga importante nga hitabo sa institusyon nga nagapakita sang resulta sang ila pag-uswag sa serbisyo sa diin nakatipon ini sang masobra P2.85 trilyon nga kita, mas mataas kon ikumpara sa koleksyon sang buhis sang 2023.
Suno kay Lumagui, indi lamang ini ang pinakamataas nga koleksyon sang buhis nga natala sa kasaysayan sang ahensya kundi ini man ang nahauna nga ti-on nga nalab-ot sini ang target nga gintalana sang Development Budget Coordination Committee (DBCC).
“This is only the result of the tireless efforts of the BIR employees, their commitment, dedication, and countless hours spent serving the public and most importantly, the growing partnership with our institution and the taxpayers. With all these achievements, we would like to congratulate our nation builders- all of us, for our contribution to our country’s economic growth,” siling niya.
Dugang pa ni Lumagui, ang Tax Awareness Month ginasaulog kada Pebrero, gani, ang BIR dedikado sa pagpasanyog sang kampanya sa pagsunod sa buhis sang mga indibidwal kag mga negosyo, pagdugang sang paghangop sang publiko sa obligasyon sa buhis, kag pagpauswag sang pagkolekta sang kita agud suportahan ang pag-uswag sang ekonomiya.
“Taxes are not just numbers on a balance sheet- they are investments in our shared future. Taxation is not just about fulfilling the civic duty, it is also about fairness and integrity. Buwis na Tapat speaks of the need for transparency and accountability in our tax system. It also means that everyone, regardless of their status or background, could contribute their fair share to the nation’s development,” pagpahanumdom ni Lumagui.
Sa bahin naman ni BIR Revenue Region No. 11- Iloilo City Regional Director Emilia C. Combes, iya ginsambit nga ang pag-uswag sang pungsod nagasugid sa iya kooperatibo nga mga pumuluyo nga nagasunod sa layi.
“This campaign underscores the crucial role of taxpayers when it comes to economic recovery and development. For more than 120 years, the BIR has shown with improvement in its services due to the implementation of e-services which adapt to the digital transformation of technology. These are goals to make BIR not only a revenue-oriented agency but a service oriented, one with the nation to uplift the lives of every Filipino,” siling ni Combes.
Nagtambong man sa aktibidad ang Deputy Commissioners sang BIR, taxpayers ukon mga nagabayad sang buhis, mga ahensya sang gobyerno, practitioners, partners, kag iban pa nga mga organisasyon gikan sa lima ka Revenue District Offices (RDOs) sa Western Visayas.
Ginkilala man ang mga top taxpayers humalin sa RDOs 71-75 sang BIR sa nagkalainlain nga kategorya nga nagalakip sang Top Individual Taxpayers, Top Non-Individual Taxpayers, kag Top Withholding Agents.
Ang pagsugod sang kampanya sa buhis isa ka mayor nga hitabo sa tuigan nga kalendaryo sang BIR nga opisyal nga nagasugod sang iya mga hilikuton sa kampanya sa buhis para sa bug-os nga tuig. (AAL/AGP/PIA 6)
