CAMIGUIN (PIA) — Ang Camiguin nagranggo isip ika-unom nga ‘most competitive’ nga probinsya sa Pilipinas, diin ang Mambajao usab nakakuha og mga nag-unang pasidungog sa nasudnong ranggo atol sa 2024 Creative Cities and Municipalities Congress niadtong Agosto 23.
Ang maong kalihukan, nga nagsaulog sa excellence sa governance ug development sa mga local government units (LGUs), nakakita sa Rizal, Laguna, ug Davao del Norte nga nakakuha sa top three spots niining prestihiyosong pag-ila. Ang Camiguin mao ra usab ang isla nga probinsya nga nakakuha sa pasidungog.
Ang Mambajao, ang kapital sa Camiguin, nakadani og dakong pagtagad isip ikaduhang labing kompetisyon nga lungsod sa 3rd ngadto sa 4th class category. Kini nahimutang sunod sa Can-Avid, Eastern Samar, ug nag-una sa ikatulong pwesto nga mao ang San Felipe, Zambales. Kini nga pag-ila nagpasiugda sa pasalig ni Mambajao sa pag-uswag ug kalamboan ubos sa pagdumala ni Mayor Yñigo Jesus Romualdo.
Matud ni Gob. Xavier Jesus Romualdo nga kini nga mga kalampusan sa nakuha tungod sa “good governance, constant improvement and innovation in the delivery of services and execution of programs, and then unity and alignment among all LGUs and officials.” Iyang gihatagan og gibug-aton nga kini ang nagpalihok sa mga nahimo sa Camiguin ug Mambajao.
Dugang pa, ang Mambajao milabaw sa daghang key categories sa maong kalihukan. Nakuha sa munisipyo ang ika-7 nga posisyon sa kalig-on, nga nagpakita sa iyang abilidad sa pag-agwanta ug pagpahiangay sa mga hagit, labi na sa pag-atubang sa mga natural nga katalagman. Nabutang kini sa top 10 alang sa kahusayan sa gobyerno, nga nagpakita sa lig-on nga pagdumala ug kalidad nga serbisyo publiko.
Ang pag-ila sa munisipyo isip ika-5 nga labing maayo sa dinamikong ekonomiya nagpasiugda sa iyang maabtik nga lokal nga ekonomiya ug sa mga paningkamot sa LGU sa pagpalambo sa pagtubo ug kauswagan. Nabutang kini sa top 10 alang sa kahusayan sa gobyerno, nga nagpakita sa lig-on nga pagdumala ug kalidad nga serbisyo publiko.
Giawhag ni Mayor Romualdo ang mga tawo sa Mambajao nga magpadayon sa pagtrabaho og maayo, gipasiugda ang kamahinungdanon sa pagtinabangay aron makab-ot ang ingon nga mga kalampusan.
Si Dr. Rafaelita M. Aldaba, undersecretary sa Competitiveness and Innovation Group, nagpasiugda sa kamahinungdanon sa pagkamamugnaon sa pagtubag sa nag-uswag nga mga hagit nga giatubang sa mga siyudad ug munisipyo.
“By nurturing the creative qualities of our people, spaces, and policies, we can shape cities and municipalities that are not only prosperous but also vibrant, inclusive, and adaptive to the challenges of the future,” matud pa ni Aldaba.
Si Director Lilian G. Salonga, pangulo sa Bureau of Competitive Development ug Officer-in-Charge sa Creative Industries Development Office, nihatag og gibug-aton sa papel sa competitiveness sa pagtukod sa usa ka mamugnaon nga nasud.
“By excelling in economic dynamism, government efficiency, infrastructure, resiliency, and innovation, local governments create environments where creativity can thrive. This not only enhances the quality of life for residents but also strengthens the Philippines’ position as a leading creative nation,” Matud pa ni Salonga.
Giawhag usab niya ang tanang partisipante sa paghimo og makahuluganon nga mga diskusyon ug pagmugna og bag-ong mga ideya nga magdala ngadto sa mas hayag ug mas mamugnaong kaugmaon sa nasud.
Si Gob. Romualdo miingon nga ang mga nahimo sa Camiguin ug Mambajao sa 2024 Creative Cities and Municipalities Congress nagpakita sa ilang dedikasyon sa kalamboan ug kabag-ohan, ug iyang giawhag ang mga Camiguingnon nga hatagan ug bili ang maong mga kalampusan pinaagi sa padayon nga pagsuporta sa mga inisyatiba sa lokal nga gobyerno. (RTP/PIA-10/Camiguin)
