CAMIGUIN (PIA) — Sa pag-andam alang sa Nationwide Simultaneous Earthquake Drill (NSED) nga nakatakda sa Nobyembre 14, ang Office of Civil Defense (OCD)-10 nagdumala og usa ka miting aron tiwason ang plano alang sa usa ka full-scale disaster simulation ug rescue exercise niadtong Oktubre 28.
Ang kalihukan, nga himuon sa Cong. PPR Tourism and Sports Complex sa Mambajao sa alas-2:00 sa hapon, gilaraw aron ma-assess ang kaandam sa National Disaster Risk Reduction and Management Council (NDRRMC) ug sa mga kauban nga ahensya niini sa pag-atubang sa usa ka dakong katalagman. Target sa OCD-10 nga makabat og 631 ka partisipante sa niini nga importante nga ehersisyo, nga nagpunting sa kaimportante sa kaluwasan sa publiko ug sa kaandam sa katalagman.
Ang kalihokan magpasiugda sa testing sa mga vital disaster response elements, sama sa communication protocols, equipment functionality, coordination mechanisms, ug resource mobilization.
Mga taas nga opisyal, lakip na si Department of Science and Technology (DOST) Secretary Renato Solidum, Jr., Department of the Interior and Local Government (DILG) Secretary Juanito Victor Remulla, Department of Social Welfare and Development (DSWD) Secretary Rexlon Gatchalian, ug Department of National Defense (DND) Secretary Gilberto Teodoro, Jr., ang gipaabot nga moapil.
Ang eksena sa drill maglangkob sa Hibok-Hibok Volcano sa Camiguin, usa ka aktibong bulkan nga nagpakita og mga timailhan nga posibleng mobuto.
“In the past three weeks, DOST-PHIVOLCS has been recording a swarm of earthquakes and subterranean rumblings in Hibok-Hibok Volcano. Residents are experiencing increased frequency and intensity of ground shaking. Videos showing the drying of wells and vegetation around the volcano are circulating on social media,” matud pa ni OCD-10 Regional Director Antonio Sugarol.
(Sa miaging tulo ka semana, ang DOST-PHIVOLCS nag-record og daghang linog ug mga undergound rumblings sa Hibok-Hibok Volcano. Ang mga residente nakasinati sa pagdungag sa kadaghanon ug kalig-on sa pag-uyog sa yuta. Daghang mga video nga nagpakita sa pagka-uga sa mga atabay ug mga tanom palibot sa bulkan ang gipakita sa social media.)
Gipasabot niya nga kini nga level nagpakita nga ang eruption mahimo mahitabo sulod sa pipila ka adlaw o semana. Tungod niini, ang kalihokan mag-simulate sa mga reaksyon sa bulkanic eruption ug linog aron mapalambo ang abilidad sa NDRRMC ug sa mga local government units sa pagdumala sa mga kalihokan sa katalagman.
Ang Incident Management Team (IMT) magkoordinar sa mga reaksyon gikan sa lokal ug nasyonal nga lebel panahon sa drill, aron masiguro nga walay putol nga komunikasyon ug hapsay nga mobilization. Ang Search, Rescue, ug Retrieval (SRR) teams magpasiugda sa mga rescue operations, lakip na ang tsunami response, collapsed structure rescue, evacuation, high-angle rescue, water rescues, ug vehicle extrications.
Ang emergency communications susihon tali sa Emergency Operations Centers (EOCs) sa lain-laing lebel, gikan sa probinsya hangtod sa munisipyo, ingon man sa mga regional disaster management offices ug uban pang mga eksternal nga kauban.
“In addition, response clusters, including camp coordination and camp management, will be activated for managing evacuations, conducting relief operations, and ensuring logistics flow efficiently. Key health teams and emergency medical services will assess their capabilities in managing the injured, with further support from food and non-food item distribution teams,” matud ni Sugarol.
(Sa dugang pa, ang mga response clusters, lakip ang camp coordination ug camp management, pagalihokon aron dumalahon ang mga evacuations, paghimo og relief operations, ug pagpatuman nga hapsay ang logistics. Ang mga health teams ug emergency medical services mag-assess sa ilang abilidad sa pag-atiman sa mga nasamdan, uban pa nga suporta gikan sa mga food ug non-food item distribution teams.)
Usa pa ka importante nga tuyo mao ang pagsusi sa kaepektibo sa emergency communication systems aron masiguro nga hapsay nga molihok ang impormasyon tali sa RDRRMC, lokal nga DRRMOs, ug uban pang mga kauban alang sa epektibo nga reaksyon ug pagbangon.
Ang mga partisipante naglakip sa mga local disaster risk reduction ug management offices gikan sa mga munisipalidad sa Mambajao, Guinsiliban, Mahinog, Sagay, ug Catarman, ingon man sa provincial disaster risk reduction ug management council sa Camiguin ug mga regional RDRRMC nga mga kauban nga ahensya.
Alang sa Camiguin, usa ka isla nga adunay kasaysayan sa volcanic activity ug seismic risk, matud ni Sugarol nga ang drill nagpasiugda sa commitment sa rehiyon alang sa kaluwasan ug resilience sa komunidad. (RTP/PIA-10/Camiguin)
