DIPOLOG CITY — Mipahigayon sa 4th Quarter Meeting ang City Disaster Risk Reduction and Management Council, ning siyudad, kamiaging buntag, Disyembre 14, 2023.
Pinangunahan ni City Mayor Darel Dexter T. Uy, isip Chairman, gitambongan kini sa nagkalain-laing mga ahensiya sa kagamhanan, lokal ug nasudnon, duyog usab sa presensiya sa mga representantes gikan sa mga Civil Society Organizations.
Ang maong tigum ang gipahigayon subay sa mandato sa balaod nga ipahigayon sa kada quarter sa matag tuig, ubos sa pagdumala ni Mayor Uy isip chairman, diin pipila ka mga mahinungdanong ponto ang gituki, nga gilangkoban sa, a) pag-aprobar sa LDRRM Fund alang sa sunod tuig 2024, b) LDRRM Investment Plan (2024), c) pag-presentar ug pagsagop sa Updated Local Disaster Risk Reduction and Management Plan alang ning dakbayan alang sa tuig, 2023 – 2027), ug ang, d) pag-aprobar ug pagsagop usab sa Enhanced Local Climate Change Action Plan (2023-2030).
Lakip usab sa gituki atol sa maong meeting ang mga kalamposan sa mga pagpatuman o pagpahigayon sa mga programa sa CDRRM Council sama sa 1) Training of Trainers kalabot sa Basic Life Support-Cardio Pulmonary Resuscitation (BLS-CPR), 2) Incident Command System Integrated Planning Course Level II,) 3) Orientation on Accreditation of Community Disaster Volunteers (ACDV) ug 4) Incident Command System (ICS) Complete Position Course Level III.
Dugang pang mga mahinungdanong ponto ang gituki ilawom sa other matters, nga nakitang aduna gihapo’y kalambigitan sa mga programa sa CDRRM Council, ning siyudad. (CIO-afb)
