TAGBILARAN CITY, Bohol (PIA) — Nipagawas og regional advisory ang Civil Service Commission (CSC) kalabot sa ipahigayong 2024 Career Service Examination – Pen and Paper Test karong Agosto 11 diha sa Dr. Cecilio Putting National High School (DCPNHS).
Ang Online Notice of School Assignment (ONSA) alang sa Agosto 11, 2024 nga Career Service Examination – Pen and Paper Test (CSE-PPT) gihimong akses sa publiko sugod na niadtong Hulyo 28, 2024.
Apan gipasabot sa CSC nga wala nila tuyoa nga ang University of Bohol ang nabutang nga venue alang sa Career Service Examination – Subprofessional.
Giklaro sa CSC nga ang venue alang sa CSE – Subprofessional mao ang DCPNHS ug dili sa University of Bohol.
Busa, ang tanang examinees gikan sa lalawigan sa Bohol nga mokuha sa Career Service Examination – Subprofessional gihangyo nga i-double check ang ilang room assignment pinaagi sa ONSA sugod Hulyo 30, 2024, aron ma-update ang ilang room assignment.
Alang sa bisan unsang pangutana, ang mga aplikante sa eksaminasyon mahimong motawag sa CSC Field Office-Bohol pinaagi sa numero sa telepono (038) 501-7046 o pinaagi sa email sa [email protected]. (ECB/PIA7-Bohol)
